大家識唱嘅跟住一齊唱
劇集《完美叛侶》近排喺無綫熱播，仲有視帝陳豪坐陣，其實講起陳豪，大家除咗諗起佢三年抱三之外，應該都唔會忘記佢句「同朕check吓」嘅金句，當年佢喺劇集《帝女花》入面飾演崇禎皇帝，點知佢將「周卿家，幫朕再查吓」講咗做「周卿家，幫朕check吓」，嚇到觀眾個心都離一離。網民仲話皇帝可能唔知喺邊頭學咗啲外語，大讚崇禎皇帝博學！而從此以後，「同朕check吓」變咗都市金句，3歲到80歲都識講。
新劇再次穿崩！
而今次佢喺新劇入面又有新搞作，又畀全能嘅網民發現穿崩位！劇情講到陳豪回想起10幾年前，爸爸因為被屈偷竊，最後決定跳樓自殺，仲跌正喺陳豪旁邊，受盡打擊嘅陳豪去到醫院認屍時接近崩潰，走出去走廊嚟個嬲嬲豬指定動作「踢跌垃圾筒」，之後仲飛車追番個本身賣走咗嘅5歲細佬返嚟，睇到大家不知幾咁心噏。不過，網民就發現陳豪由喺殮房入面着住對白色平底鞋，點知喺走廊踢垃圾筒竟然着住咗對型到爆行山高筒鞋，之後落樓下飛車追細佬，對鞋又變番做白色平底鞋，唔通佢就係傳說中嘅「佢家吓黃色衫，又變番着綠色衫」？網民仲問：「唔通佢對鞋會隨住心情而轉變？」、「着高筒踢垃圾筒唔怕踢親隻腳？」
不過，雖然套劇有少少穿崩位，但係都畀網民讚「視帝陳」好戲，套劇仲有埋邵美琪，話晒之前邵美琪套《刀下留人》叫好叫坐，又係演技派嘅代表，唔少人都話好期待佢哋呢套新劇喎！
網民有話兒：
Wan Sing xxxx：佢家下（吓）黃色衫，又變左（咗）做綠色衫。
Shing xxxx：唔係有隻鞋遇熱會變色嘅咩？
李xx：漸變鞋你地（哋）識咩呀？
STevexxxx：反光姐，角度問題，應該係。
Pinky xx：咁都比（畀）你地（哋）發現！衰左（咗）添！
來源 source: http://hk.on.cc
|
鍾意就快D Share啦！
|
|
|
