掃呢頁CODE去手機

2016年7月26日 星期二

Daisy對眼識笑踢走騰雞升Cup陳凱琳 __,凱琳,陳凱琳,

港姐20強誕生!眾人齊齊以女神Look登場。
Daisy對眼識笑踢走騰雞升Cup陳凱琳香港小姐昨日以殘酷的即場淘汰形式踢走10位候選佳麗,有人不堪壓力在台上爆喊,返回後台繼續喪喊!大熱門馮盈盈、劉穎鏇和代蓮曦丹美(Daisy)大開中門,齊齊晉級,當中Daisy去到最後一刻才擊敗大熱門「升Cup陳凱琳」鄺美淇(Maggie)趕上尾班車!據悉,Maggie出局衰在「三宗罪」:騰雞、身材矮小及樣貌跌Watt!港姐20強誕生!眾人齊齊以女神Look登 ...


Daisy對眼識笑踢走騰雞升Cup陳凱琳

香港小姐昨日以殘酷的即場淘汰形式踢走10位候選佳麗,有人不堪壓力在台上爆喊,返回後台繼續喪喊!大熱門馮盈盈、劉穎鏇和代蓮曦丹美(Daisy)大開中門,齊齊晉級,當中Daisy去到最後一刻才擊敗大熱門「升Cup陳凱琳」鄺美淇(Maggie)趕上尾班車!據悉,Maggie出局衰在「三宗罪」:騰雞、身材矮小及樣貌跌Watt!

《2016香港小姐競選》今年以新賽制進行淘汰,經大會統籌委員會及電視廣告界精英投選後,30位參賽佳麗昨日以接受殘酷淘汰,當中有10位佳麗被踢走。佳麗分組進行淘汰戰,眾人神色緊張,當中黃欣𦲀去到中段已不堪壓力爆喊,隨後被叮出局,而丘雅雯晉級後眼濕濕,如釋重負。

自信登場 O嘴出局

活動尾聲是淘汰賽的高潮位,兩位熱門佳麗代蓮曦丹美與「升Cup陳凱琳」鄺美淇兩個只能活一個,力爭最後一席,Daisy心情緊張,Maggie則有信心順利晉級,結果卻令人嘩然,Maggie被踢出局!Maggie亦「O晒嘴」,目瞪口呆了一會兒才能接受事實。據悉,她的「死因」有三,包括欠淡定,有次會見傳媒時口震震,加上身材矮小欠大將之風及最近樣貌跌Watt,得分頗低!受訪時,問到會否感到失望?Maggie說:「少少Surprise,覺得自己盡咗力。(輸啲乜?)唔清楚,已經盡咗力,做好自己已經OK。(會唔會入行?)有機會可以試吓,會休息吓先。(有冇喊?)冇。」

Daisy In<br>大熱互撼!Daisy憑自信笑容踢走Maggie,贏得最後一席!
  • Daisy In

    大熱互撼!Daisy憑自信笑容踢走Maggie,贏得最後一席!
Maggie Out
  • Maggie Out
黃欣𦲀未Foul先喊,壓力爆晒煲!
  • 黃欣𦲀未Foul先喊,壓力爆晒煲!

順利揮低大熱門Maggie的Daisy以中門大開的性感造型登場,成為最後一位入圍佳麗,她說:「好緊張,呼吸唔到!(有冇諗過出局?)我好正面,參選以嚟只係諗點樣努力做好下一步,對自己有信心,但係都有諗定落選感言。(對於Maggie出局覺得意外?)好意外!佢又專登喺加拿大返嚟參選,質素好高,好靚女。(覺得自己有乜比佢優勝?)我嘅笑容好自信,我對眼會笑,性格樂觀,而學歷同才藝都畀到自己信心。」

蘇韻姿(左)與雷詠琪爆冷入圍,Surprise!
  • 蘇韻姿(左)與雷詠琪爆冷入圍,Surprise!
Maggie出場時充滿自信,點知轉頭就被叮!
  • Maggie出場時充滿自信,點知轉頭就被叮!

雷詠琪喊到流鼻涕

至於熱門「甫士王」馮盈盈(Crystal)和「大隻鍾嘉欣」劉穎鏇(Tiffany)齊齊晉級,同樣開中門騷半球,Crystal說:「服裝係大會安排,可能係跟番每個人嘅特點去安排。(好性感?)好優雅同脫俗,事前已經做足防走光措施。(Maggie出局,少咗勁敵?)唔會,覺得好意外,相信有好多意想不到嘅事會發生。」她又自爆雖然有信心,但事前亦失眠,至於Tiffany同樣對Maggie出局感到意外。

此外,黃欣𦲀眼見佳麗逐一被叮而爆喊,自己出局時卻反而較為平靜,她說:「唔開心係睇見好多朋友,龔佩曄、黃豆都被淘汰,唔係擔心自己,但都想問評判我有咩地方需要改善。(出年再選過?)有可能。呢段時間已經減咗10磅,可能未如理想」

另外,雷詠琪與蘇韻姿爆冷入圍,她們自爆返到後台即爆喊,雷詠琪說:「喊到鼻涕都流埋!」

港姐等你起底

爆料熱線:3600 1022

爆料傳真:3600 1000

爆料email:ent@on.cc

文:影視組

𦲀


鍾意就快D Share啦!