掃呢頁CODE去手機

2016年7月7日 星期四

徐子淇爆老公認叻滿Fun幸福! __,子淇,徐子淇,

徐子淇自爆只識煮公仔麵,皆因有老公揸晒「煮」意!
徐子淇爆老公認叻滿Fun幸福!「千億新抱」徐子淇於2006年下嫁恒基二少李家誠(Martin),踏上豐足的豪門路!適逢今年是結婚十周年,子淇接受本報專訪,分享鮮為人知的豪門生活,還爆老公如何愛錫她。如果要為幸福評分,她不諱言是100分幸福滿瀉!徐子淇自爆只識煮公仔麵,皆因有老公揸晒「煮」意!徐子淇於2006年12月跟李家誠在澳洲舉行世紀婚禮,哄動一時,從此被冠以「千億新抱」名譽,婚後為千億家族誕下 ...


徐子淇爆老公認叻滿Fun幸福!

「千億新抱」徐子淇於2006年下嫁恒基二少李家誠(Martin),踏上豐足的豪門路!適逢今年是結婚十周年,子淇接受本報專訪,分享鮮為人知的豪門生活,還爆老公如何愛錫她。如果要為幸福評分,她不諱言是100分幸福滿瀉!

徐子淇於2006年12月跟李家誠在澳洲舉行世紀婚禮,哄動一時,從此被冠以「千億新抱」名譽,婚後為千億家族誕下兩女兩子,湊成兩個「好」字,人生完美到極致。轉眼間,這段童話婚姻十年了,外間對她有支持有妒忌,她又如何評價自己的幸福度?子淇直言是100分幸福爆燈!不過,外界形容「一入豪門深似海」,入了這個「深海」十年的子淇雖已是四子之母,但依舊帶點孩子氣,她笑說:「可能係外面啲人睇得多電視劇,『豪門』係人哋嘅一個標籤,我冇特別考慮(係咪豪門)!我覺得我哋嘅家庭只係老爺比較知名啲、或者屋企舒服啲,但其實都係普通家庭,或者咁樣(指外間)包裝個故事會吸引啲。」

「我着平衫又冇人寫」

談及老爺李兆基,子淇讚他是一個很開通的老人家:「完全冇咩豪門規矩,係好簡單嘅生活,我亦都着好多平價衫,可能未必有人影到,同埋我每次出嚟嘅場合都要着得比較莊重啲,我着平衫又冇人寫。」夫妻相處之道乃老生常談之事,子淇自言跟丈夫性格不同,但價值觀卻十分一致:「佢年紀都大我幾多,識好多嘢,好多事可以幫我解決,咁佢教我嘅時候又會覺得自己好威,哈哈!(當你女咁錫?)佢當我係仔咁錫,因為細仔同我性格一樣。」

徐子淇與李家誠世紀一吻,展開十年的童話婚姻生活。
  • 徐子淇與李家誠世紀一吻,展開十年的童話婚姻生活。
徐子淇指老爺李兆基十分開通,一入豪門並非深似海!
  • 徐子淇指老爺李兆基十分開通,一入豪門並非深似海!
每年生日老公例必送大禮,徐子淇當然冧暈!
  • 每年生日老公例必送大禮,徐子淇當然冧暈!

子淇又讚老公廚藝了得,反而自己只懂煮公仔麵:「佢煮嘢好叻,亦好鍾意煮,有時佢去外國會買牛扒自己煎,又識整龍蝦,我好盡力煮都係唔得!應該係天分問題,只會整蛋糕,所以我哋一家生日都唔會買蛋糕,仔女大咗可以同我一齊整,亦係好好嘅親子時間。」子淇笑言結婚十年,當年的結婚照至今還未揀相,因為每日時間都不夠用,故下定決心今年一定要把婚照挑好,不能再拖。

雖然丈夫是恒基兆業集團的接班人,但子淇重申不管在甚麼家庭出生,也應該靠自己努力生活:「我唔希望小朋友覺得出生喺知名家庭,就唔需要努力,每件事都要用心盡力去做,呢種態度好緊要。」她又指自己是四個孩子的媽媽,知道小朋友很需要愛,故回饋社會也選擇幫助有關小朋友的慈善機構,老公對此十分支持又鼓勵!

揀海灘慶祝圓夢想

兩夫婦今年剛好結婚十周年,回味十年前的世紀婚禮,她仍甜絲絲說:「其實原本我哋想揀個陽光海灘嘅地方,可以望住個海,但因為有好多親戚長輩唔係咁方便,所以最後揀咗澳洲。今年十周年我哋都揀咗一個地方,同幾個朋友靜靜哋咁過。」

暑假來了,子淇透露會舉家旅行休息,以為她已經遊遍世界,她卻說有很多地方還沒去過:「埃及、土耳其,有好多地方都想去,但未有機會。之前一直想睇北極光都去唔到,有次竟然坐飛機嘅時候啱啱飛過睇到,好幸運!」子淇的人生,真.幸運!

文:名人組


鍾意就快D Share啦!