2016年12月16日 星期五

人人食糖甜到漏!岑麗香預告搞童話婚禮 __,岑麗香,

香香全程冧笑!【溫哥華直擊】宅男女神岑麗香(香香)過兩日喺12月18日(香港時間)就會舉行婚禮,下嫁畀男友強強(Joshua)正式升呢做人妻女神。一直好低調嘅香香雖然之前發放咗兩張婚紗照,不過都係得香香一個人唔見強強嘅身影,搞到好多人覺得唔多夠喉。為咗滿足大家,貼心嘅香香安排喺早上(香港時間)開記者會暢談待嫁心情。左手無名指戴住巨鑽嘅香香全程甜笑唔停現身會場,對於即將要升呢做人妻,香香表示對婚禮好 ...


香香全程冧笑!

【溫哥華直擊】宅男女神岑麗香(香香)過兩日喺12月18日(香港時間)就會舉行婚禮,下嫁畀男友強強(Joshua)正式升呢做人妻女神。一直好低調嘅香香雖然之前發放咗兩張婚紗照,不過都係得香香一個人唔見強強嘅身影,搞到好多人覺得唔多夠喉。為咗滿足大家,貼心嘅香香安排喺早上(香港時間)開記者會暢談待嫁心情。

左手無名指戴住巨鑽嘅香香全程甜笑唔停現身會場,對於即將要升呢做人妻,香香表示對婚禮好期待,雖然好忙但係好興奮,對於婚後會否同強強繼續分隔兩地,香香表示:「希望唔會,依家plan緊,不過點都會返香港先,我會繼續拍戲,(計劃生B?)將來都會,依家想二人世界先,(幾時?)暫時唔講。」香香表示因為結婚好忙,所以會去度蜜月稍作休息,跟住就會返香港繼續拍劇及其他工作。

為咗保持神秘感,香香唔肯透露婚禮會請幾多人等問題,不過香香就忍唔住自爆婚禮充滿童話氣息,香香話佢同強強都好有童心,婚禮現場會以手拖手嘅Gummy Bear做主題,而且人人都會有糖食,就好似香香嘅待嫁笑容一樣甜到漏!

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...