2016年12月16日 星期五

【有圖有真相】收工趕住去秘撈? 馬國明驚現尖東搬貨 __,馬國明,

貴為大台筍盤嘅馬國明,雖然有唔少人覺得佢個樣「毒毒哋」,之不過做得筍盤梗係有啲原因,話晒馬明係出咗名係孝順仔,加上最近又以近2000萬買咗太古城一個複式單位,即刻榮升做筍盤之中嘅超筍盤!難怪咁多年一直話多女埋身。啱啱續約大台嘅馬明,工作當然排得密麻麻,好似佢啱啱拍完《降魔的》,即刻去咗新加坡登台搵錢,噚日朝早返嚟香港,中午即刻又去《流氓皇帝》嘅宣傳活動,真係好頻僕喎!不過《蘋果》之後發現,馬明喺中 ...




其他影片:>>






貴為大台筍盤嘅馬國明,雖然有唔少人覺得佢個樣「毒毒哋」,之不過做得筍盤梗係有啲原因,話晒馬明係出咗名係孝順仔,加上最近又以近2000萬買咗太古城一個複式單位,即刻榮升做筍盤之中嘅超筍盤!難怪咁多年一直話多女埋身。啱啱續約大台嘅馬明,工作當然排得密麻麻,好似佢啱啱拍完《降魔的》,即刻去咗新加坡登台搵錢,噚日朝早返嚟香港,中午即刻又去《流氓皇帝》嘅宣傳活動,真係好頻僕喎!不過《蘋果》之後發現,馬明喺中環出席完活動,連大會宣傳tee都唔換,即刻急急腳走人,咁趕去邊先?馬明揸住架車,由中環直返太古城嘅寓所,當佢泊低架車喺停車場之後,急急腳咁邊行邊講電話,過咗冇耐,謎底終於解開。原來馬明會合媽咪兼一個同佢有幾份似,相信家姐女性,一行三人揸車去尖沙嘴田東部,到達目的地之後,見到有幾個女仔喺度等緊,身邊仲有6個貼咗一張A4紙寫住「捐」字嘅紙皮箱。著住件紫色背心嘅馬明,同埋媽咪同家姐一齊落車,見幾個女人喺度傾咗一輪,最後馬明好爽手咁一個人將啲紙皮箱,好似砌積木咁搬上車,睇落又真係好MAN!擺好晒啲紙皮箱之後,馬明同埋媽咪同家姐一齊返屋企。

馬明事後接受傳媒訪問,佢話呢幾個紙皮箱係媽咪同家姐喺探訪活動嗰陣用,馬明仲話:「以前我都有同佢哋做義工,不過0依家拍劇啲時間夾唔啱,所以咪少咗,我見今日啱啱得閒,咪幫吓手,希望為善事出番分力喇!」至於工作,馬明話0依家會放假,過完年再拍《深宮計》。

(採訪、攝影:徐錦池、孔志豪) 馬國明今日出席活動 完咗衫都唔換就走
佢揸車走人
原來係匯合家人 仲幫手搬物資 好man呀!

來源 source: http://s.nextmedia.com
鍾意就快D Share啦!