2016年12月16日 星期五

老公迷信 葉翠翠擇吉時剖腹生B __,翠翠,葉翠翠,

周曉東拖到老婆實一實,腹大便便的葉翠翠當眾讓老公錫錫,幸福滿瀉。藝人葉翠翠與老公周曉東出席美容學院周年晚宴,傳媒要求二人拖手錫錫合照,夫妻倆有求必應,大晒幸福。穿了一吋高跟鞋的翠翠與老公一起受訪,直言肚子很大,還反問記者:「係咪咁㗎?我差唔多5個月,但好似人哋6、7個月咁,可能喺屋企休養得多,成日自己煲湯、雞汁,食保健品。」老公文采好為BB改名她透露已經知道BB性別,但老公未想公布,他希望無論兒子 ...




其他影片:>>






周曉東拖到老婆實一實,腹大便便的葉翠翠當眾讓老公錫錫,幸福滿瀉。

藝人葉翠翠與老公周曉東出席美容學院周年晚宴,傳媒要求二人拖手錫錫合照,夫妻倆有求必應,大晒幸福。穿了一吋高跟鞋的翠翠與老公一起受訪,直言肚子很大,還反問記者:「係咪咁㗎?我差唔多5個月,但好似人哋6、7個月咁,可能喺屋企休養得多,成日自己煲湯、雞汁,食保健品。」

老公文采好為BB改名

她透露已經知道BB性別,但老公未想公布,他希望無論兒子或者女兒也似他。至於改名,翠翠指老公文采較好,會等他改:「都會想兩個字,之前做《姊妹淘》,知道單字叫周乜會冇貴人,我哋都信吓啦,希望畀到最好嘅嘢BB,但我自己偏向單字。」

翠翠指幸好懷孕初期沒有嘔吐,但很不舒服,不能外出,睡一整天也覺得疲倦,有時晚上又睡不到:「好不安呀,好似更年期。老公嗰時就好慘囉,我發忟憎,半夜要食零食,佢走出去買。」她指這情況維持了兩、三個月,更試過因為買腸粉沒有醬而發老公脾氣,她笑問老公:「你唔會怪我㗎呵?(老公點氹番你?)佢好搞笑,可能大肚婆想食嗰樣嘢就好想食,我就問點解你唔攞醬呀?其實佢開緊會,佢知道大肚婆唔激得,就叫晒啲同事出去先,同我講埋個電話,等我抒發吓。」問周曉東是否覺得太太性情大變?他說不是,翠翠即笑說:「你咁講咪即係話我不嬲都係咁?」

懷孕肥咗全部衫要買過

翠翠說預產期在2017年5、6月期間,打算開刀生,因為做救護員的胞兄說不少孕婦生產時不順利。她又形容老公很迷信,因此會擇吉時生,老公又怕BB小器,之前連父母也不能說,不過她並不抗拒擇吉時。

她指現在一發現有甚麼對孕婦好,就會即時在社交平台寫出來,又會詳細解答網民疑問:「其他artist(藝人)可能食個早餐就一個post,但我嗰啲就成篇文咁長。」提及身型變化不少,她坦言加埋BB重了幾十磅,有指她左右臉變得不一樣,她笑說:「我老公覺得我靚就得。(上圍升cup?)肥就全個人啦,我所有裙都唔啱着,啲衫全部新買。」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon 


來源 source: http://hk.on.cc
鍾意就快D Share啦!