掃呢頁CODE去手機

2017年3月9日 星期四

白歆惠長駐香港做潮媽 [壹週刊 - 1409] __,白歆惠,M1,

白歆惠採取時興嘅前孭帶,未夠一歲嘅B仔生得粗壯,瞓到頭都側晒,勁得意。同你吟一吟白歆惠長駐香港做潮媽坊間阿太圈中,其中一個熱門討論話題:小三!身邊有錢 ...


白歆惠採取時興嘅前孭帶,未夠一歲嘅 B仔生得粗壯,瞓到頭都側晒,勁得意。

同你吟一吟

白歆惠長駐香港做潮媽

坊間阿太圈中,其中一個熱門討論話題:小三!身邊有錢朋友老公阿邊個阿邊個「開廠」,十居其九係強國佳麗或者台妹,港女佔數比例長期居下。

按圖索驥,當年芒果王秀琳不敵由台模進身幕前嘅白歆惠,拍拖兩年有米男友唐堂斷正要二揀一,芒果敗陣被叮走,男友仲要醒多句:你就當我玩你!認真陰功到爆裂。

白歆惠舊年幫唐堂未婚佗仔,母憑子貴,即刻註冊坐正。老公喺香港生活,產後人妻順理成章居港。早個禮拜,《壹》仔响中環皇后大道中見到將 B仔前掛嘅白歆惠,快手快腳行去買完下午茶外賣,跟住就行去太子大廈嗰邊上車走。

做過 model,舊年六月生仔,九月已經變番索人,是日白歆惠零妝潮媽打扮,依然 sharp醒。手下敗將芒果,不得不服!

喺皇后大道中買完下午茶外賣後,潮媽經德輔道中行過去太子大廈附近上車,唔使司機兜大圈。

產後兩個月復出做電影宣傳,當時嘅白歆惠十分大隻。

但唔夠兩個月,白歆惠單拖喺中環 Landmark行名店,已極速修身。

11年, Mango同有米又好樣嘅唐堂打得火熱,點知拍拖兩年,男方搭上同鄉白歆惠, Mango上岸夢碎。

(台灣《蘋果日報》圖片)

撰文︰八珍


鍾意就快D Share啦!