熱爆娛樂: 拋妻棄女迷戀小三　眾叛親離　詹瑞文沉底開鋪仔 [壹週刊

2017年3月9日星期四

拋妻棄女迷戀小三　眾叛親離　詹瑞文沉底開鋪仔 [壹週刊 - 1409] __,小三,詹瑞文,M1,

娛頭

拋妻棄女迷戀小三　眾叛親離　詹瑞文沉底開鋪仔

12年詹瑞文搭上已婚員工 Amenda並為對方拋妻棄女，又怒炒力勸他珍惜家庭的愛徒蝦頭和泰臣。迷戀小三搞到眾叛親離，連帶事業人氣插水，舞台劇場數愈開愈少。

好天收埋落雨柴！準備定退路，在西貢開 café做老闆的詹瑞文，日前帶埋 Amenda去新鋪睇裝修。 51歲事業冇景，攬女飽晒！

四十萬裝修

上週三（三月一日），詹瑞文和 Amenda拍拖去西貢「收鋪」。鋪頭面積有五百呎，月租約兩萬，據知詹瑞文預算用四十萬裝修開 café。

同行的 Amenda帶住裝修師傅在鋪內周圍巡，吩咐對方逐樣執，一副事頭婆格，向來對女友言聽計從的詹瑞文，則與助手跟在 Amenda身後做 yes man，並叫助手記低女友的意見。

對於開 café做老闆娘， Amenda表現雀躍，甚至要詹瑞文為她在鋪前留影。影完單人又同男友頭貼頭合照，詹瑞文更豎起姆指，狂氹女友。

兩日後（三日），二人以 Amenda最愛的綠色情侶裝，加上詹瑞文的閃綠色姣 Benz，襯絕出動！原來擇好日子去新鋪拜四角，二人更先到家品店買化寶桶； Amenda揀化寶桶時，走去另一邊睇煲的詹瑞文說：「買多個煲啦，今晚上天台打邊爐。」

小三變坐正　 Amenda

詹瑞文跟女友 Amenda睇完裝修，興奮得在新鋪門口豎起手指影合照。

圓女友心願開 café，詹瑞文又叫 Amenda在門口影單人照留念。

二人睇鋪時，全程有女助手陪住，將他們意見寫低跟進。

豪宅搬村屋

離婚後，形象受損的詹瑞文收入大跌，由九龍塘帝景峰搬到西貢村屋，為風水，噴成綠色的戰車也泊在附近的公眾停車場。

詹瑞文跟前妻甄詠蓓育有一女，二人離婚，女兒跟前妻一起生活。

迷信改名

「同 Amenda一齊之後，詹 Sir都被影響變得好信風水，風水佬話綠色旺佢，佢就連架車都噴埋綠色，之前仲試過染咗個青色頭。跟住仲一齊改名，由詹瑞文同鄭慧蘭，改為詹文海同鄭潔堯。詹 Sir屋企同公司都擺晒陣，但呢幾年事業都冇乜起色。其實詹 Sir向來都好緊張啲錢，但開 café係 Amenda嘅心願，但佢都打本俾女友試下，真係好就 Amenda。」知情人說。

○五年憑《男人之虎》彈起，曾經四年內九度公演，共一百五十九場，十分風光。但離婚後，為小三拋妻棄女的詹瑞文形象插水，加上沒有突破，去年的《新男人之虎》只公演五場，勁插水！

相反，前妻甄詠蓓跟黃秋生合作開班教演戲及搞舞台劇，二人的《狂揪夫妻》叫好叫座，事業及名氣不斷上升，活得比你好。

4/3

詹瑞文同女友擇日，落西貢市買化寶桶，去新鋪拜神。好迷信風水嘅 Amenda，當日同詹瑞文著晒深信旺佢哋嘅綠色裝束，襯埋架車，真係一絕。

之後又買個炭爐，佢同店員講：「今晚喺天台打邊爐。」

兩個在新鋪拜四角，燒衣紙。受女友影響，詹瑞文近年亦喜歡求神問卜，連名都改埋叫詹文海。

荃灣

公司由之前九龍灣甲級寫字樓搬到荃灣工廈。當日九龍灣公司，門前放有擺咗溪錢的風水陣。

九龍灣

徒弟撐師母

詹瑞文不斷沉底，連徒弟亦四散。

「蝦頭同泰臣唔想睇住詹 Sir頭家因為一個女人搞散晒，當時都有開聲勸過佢，不過忠言逆耳，最後仲食埋豉椒炒魷！詹 Sir睇錢好重，抽佣又多，幫佢哋（徒弟）接 job又成日唔講實收幾多；所以佢哋接大信封嗰陣都冇乜留戀。其他學生好似林嘉欣都因為撐師母（甄詠蓓），同詹 Sir已經冇乜聯絡。」

公司愈做愈縮，由九龍灣甲級寫字樓搬去荃灣工廈後，詹瑞文和 Amenda亦由九龍塘帝景峰搬去租金平一截的西貢村屋。

唔可以再倚靠做舞台劇食胡！年過五十的詹瑞文樣樣慳都決定開 café，以免前無去路！

詹瑞而同前妻甄詠蓓同居多年， 03年生埋女仍沒註冊結婚。甄詠蓓之後在訪問說：「註番冊無耐，反而離婚。」

與前妻所生的女兒樂童現已十四歲，前年兩父女被拍到行街食雪糕。

曾經二人是家庭與事業的最佳拍檔。

離開師傅詹瑞文，蝦頭同泰臣在大台有發圍，劇接劇。

劇帝幻滅

05年，是詹瑞文舞台神話的開始！曾獲英國著名形體劇場導演 David Glass賞識，在英國參與巡迴演出的他，返港憑一人分飾 30多角的《男人之虎》打響名堂，曾在四年內九度公演共 159場，吸引逾 13萬名觀眾入場，掀起一片舞台劇熱，至今紀錄仍未被打破，亦因此令詹瑞文奠定「香港舞台劇教父」的地位。

之後的《萬世歌王》、《萬千師奶賀台慶》等作品亦大收，人氣爆燈，更有機會參與多部電影、電視節目演出，加上廣告代言，名利雙收。

直至拋妻棄女，事業受重創。離婚後，詹瑞文號召力已不復從前。