掃呢頁CODE去手機

2017年6月2日 星期五

【化療令容貌改變】嗰陣個樣好得人驚 薛芷倫:情願自己匿入房 __,薛芷倫,

「Ball后」薛芷倫(Fanny)喺09年患上乳癌,不過佢進行咗藥物治療,好積極去面對,結果抗癌成功,跟住重返ball場,投入社交圈子。早前佢應好友鄭 ...


「Ball后」薛芷倫(Fanny)喺09年患上乳癌,不過佢進行咗藥物治療,好積極去面對,結果抗癌成功,跟住重返ball場,投入社交圈子。早前佢應好友鄭紹康(Francis)嘅邀請,接受佢為「奇妙電視」主持嘅訪問,Fanny唔單止首次去咗旺中買嘢,其間亦講到同仔女同閉門醫病嘅日子,Fanny兩度感觸落淚!Fanny喺04年同大生銀行後人馬清偉離婚,不過佢哋一直keep住良好關係,當日佢患上癌症之後,主動提出入住前夫屋企,佢話:「因為我一個人住,怕萬一有事時有人可以送我入院,況且子女都在前夫家住,但係嗰陣個樣好得人驚,我感覺到佢哋嘅恐慌,所以情願自己匿入房,嗰年幾時間我習慣咗孤獨!」雖然呢個決定對於Fanny嚟講係冇錯,佢試過喺化療嗰陣暈咗,要屋企人送佢入院,但係佢啲仔女就算住埋一齊都唔可以接近,嗰種感覺令到Fanny提起都忍唔住喊!Fanny仲話啱啱離婚嗰幾年,日子真係好難過,有時會為唔可以俾啲仔女一個完美嘅屋企,試過忍唔住喊,至於Fanny因藥物敏感而令容貌改變,但係成日俾人話佢整容,甚至試過有美國電視節目想邀請她訪談整容失敗,Fanny好無奈話:「我真係冇整容,個樣變咗係化療嘅後遺症,總之我覺得謠言止於智者,謠言散於智障!」


來源 source: http://s.nextmedia.com
鍾意就快D Share啦!