掃呢頁CODE去手機

2017年7月28日 星期五

【多謝晒】鮑起靜漏口風爆陳展鵬認拍拖 __,鮑起靜,陳展鵬,展鵬,陳展,

鮑姐好波!藝人鮑起靜(鮑姐)現身電台宣傳無綫新劇《同盟》。接受訪問時,她表示雖然已拍完《同盟》7個月,但心情仍然緊張,因為始終係首次喺無綫拍劇,所以要 ...


鮑姐好波!

藝人鮑起靜(鮑姐)現身電台宣傳無綫新劇《同盟》。接受訪問時,她表示雖然已拍完《同盟》7個月,但心情仍然緊張,因為始終係首次喺無綫拍劇,所以要搏命宣傳。問到拍劇辛唔辛苦?鮑姐坦言:「辛苦,初初唔明係咪趕住出街,拍得好趕同埋時間好長,但係拍得好仔細,啲畫面拍得好靚。」其後鮑姐透露喺劇入面,她同分別飾演親生仔同養子嘅陳展鵬同陳山聰最多對手戲。講到原本一齊宣傳嘅展鵬今日冇出席電台訪問,鮑姐搞笑話:「佢唔得閒啫。(係咪因為昨日做訪問時提到女友單文柔時有啲尷尬?)唔會啩!唔會嘅,展鵬好好,好乖仔,佢對屋企無私奉獻,而山聰就係我哋嘅開心果。(昨日宣傳時,你企定欣同展鵬中間,係咪避免佢哋尷尬?)監製安排啫!佢哋係好好朋友,絕對唔會(尷尬)。」另外,鮑姐話展鵬平時好少提及女友,而她亦未有機會見單文柔:「我都有關心過佢(陳展鵬),問佢係咪拍拖,佢話『係呀,阿媽』,第日有機會要見吓。」

懷疑胡定欣暗交男友

另外,鮑姐又大讚定欣大方體貼,更指定欣同展鵬感情係「牢不可破」,她透露:「定欣、展鵬、姚子羚、山聰同我喺聖誕節都約埋一齊過。」問到可有介紹男仔畀定欣?她直言唔擔心:「根本可能有我哋唔知啫!」陳展鵬對被鮑姐踢爆直認有拍拖,展鵬接受「東網」訪問笑說:「哈哈!呢個阿媽,我話有拖拍就帶畀佢見啫!」


來源 source: http://hk.on.cc
鍾意就快D Share啦!