掃呢頁CODE去手機

2018年4月17日 星期二

抗熱下廚!謝霆鋒炮製三十人大餐 __,霆鋒,謝霆鋒,

勁呀喂!「廚神」謝霆鋒和外籍名廚DavidRocco廚藝對決真人騷節目FOXLife《名廚爭鋒》剛播出尾二的一集中,今次大隊去到位於馬來西亞、有「美食 ...


勁呀喂!


「廚神」謝霆鋒和外籍名廚David Rocco廚藝對決真人騷節目FOX Life《名廚爭鋒》剛播出尾二的一集中,今次大隊去到位於馬來西亞、有「美食天堂」之稱的怡保。一如以往幾集,由當地名廚做導遊,帶住霆鋒同David去「食好西」,怡保最出名嘅沙河粉、白咖啡,兩位名廚當然不會放過,其中一款小甜品-冰球(Ice Ball),更加是當地人的童年回憶。

身水身汗

當霆鋒同David慢慢感受怡保的飲食文化,希望可以啟發到第二日比賽的菜式,臨走前,David好搞笑咁話:「全部單會入你(霆鋒)數㗎啦。」比賽日,二人蒙眼試食馬來西亞著名美食RENDANG TOK(仁當)。跟之前的三站不同,今次比賽時間為三個半小時,除要煮給三位評判食,還要要煮多三十人份量再送到餐廳,霆鋒話:「煮三十人份量,絕對係一個挑戰,所以行動要非常之快,如果唔係就大鑊。」除此之外,今次唔再係自己一個煮,佢哋要同當地嘅廚師合作,霆鋒話:「我幾鍾意同唔同廚師合作,因為會學到唔同嘅烹飪技巧。」

比賽地點在室外,大家都煮到出晒汗,霆鋒一邊煮一邊話:「呢個唔係廚藝比賽,呢個係抗熱比賽。」雖然二人都在指定時間內完成菜式,但一向對自己要求高的霆鋒看見自己作品時,似乎不太滿意,霆鋒話:「我見到我碟菜上面塊麵包,有好多泡泡,好似溶咗咁,再望一望david,我覺得佢做得好好。」至於David的作品就融合了印度同馬拉菜式的特點。

霆鋒領先一分

三位評判都好欣賞兩位大廚的菜式,特別是霆鋒的創意,評判表示:「整個菜式都充滿RENDANG嘅味道,將怡保著名嘅咖啡粉加入菜式中,將菜式帶到另一個層次,做得好好。唯一美中不足嘅係咖喱角太油,有啲overcook咗。」至於David,評判們就話:「辣辣哋、有椰奶,不過presentation方面太簡單,可以好啲,感覺好似街邊買嘅食物。」

最後霆鋒以24:23勝出,雖然如此,但總成績霆鋒只係以92:91一分領先。而下星期日即4月22日是最後一站,該集只得一個鐘比賽時間,屆時才是霆鋒跟David Rocco的真正對決。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!