真係睇見都覺得慘！
有「清純栢芝」之稱的藝人楊埕（Sabrina）最近趁住工作空檔期飛到泰國曼谷旅行，咁啱呢段時間係潑水節，Sabrina買咗強勁嘅水槍同當地人大戰，佢話：「條街咁熱有水射落自己度，其實都幾降溫，不過啲水好污糟，水槍嘅力度亦唔細，近啲都會射盲！所以一定要帶眼鏡。」佢仲參加咗當地嘅音樂節，一邊聽歌，一邊同其他樂迷玩水，坦言非常享受。
不過Sabrina冇諗到愉快嘅旅程過後，落機返屋企後發現屋內冇晒嘢，家人原來已經搬咗屋，但自己唔知：「我知道新屋裝修緊，但估唔到離開咗四、五日，屋企人已經將成屋嘅嘢搬咗去新屋。」佢笑言即刻跑入房睇吓自己床喺咪度，因為實在太攰：「點知一件傢俬都冇剩，打電話叫屋企人接我。」點知低處未算到低，Sabrina話去到新屋打開喼，發現喺泰國買支豉油爆咗，搞到所有衫都沾上豉油漬，不過冇錢財損失已經好好彩！
來源 source: http://hk.on.cc
|
鍾意就快D Share啦！
|
|
|
