2018年4月8日 星期日

「卡哇伊」呢!林夏薇教你做日本妹冧仔 __,林夏薇,

有時都要學識嗲吓男友嘅!香港地十個有九個男士都話好渴望同日本女仔拍拖,因為佢哋覺得日本女仔夠溫柔,講嘢又夠陰聲細氣,聽落都舒服啲喇!所以無綫官方fac ...


有時都要學識嗲吓男友嘅!


香港地十個有九個男士都話好渴望同日本女仔拍拖,因為佢哋覺得日本女仔夠溫柔,講嘢又夠陰聲細氣,聽落都舒服啲喇!所以無綫官方facebook專頁「myTV SUPER」就搵咗喺劇集《逆緣》入面飾演中日混血兒嘅藝人林夏薇(薇薇)教大家用日文講港女金句,成個語氣即時由潑辣秒變「卡哇伊」呢,所以話香港女仔都可以好溫柔嘅!

女士們成日都會問男朋友「你愛唔愛我?你有幾愛我?」,同一個問題問得多,係人都會覺得煩喇,更何況嗰個係日對夜對嘅男友呢?但係一聽到薇薇用日文去演繹呢一句說話,成個feel即時唔同晒,唔單止唔覺煩,而且仲有一種楚楚可憐嘅感覺,真係聽見都冧死喇!除咗呢一句咁常用嘅金句之外,仲有「你做咩唔覆我?」、「點解影到我咁肥㗎?」、「呢個女仔邊個嚟㗎?佢靚啲定我靚啲?」、「食咩呀?不如你幫我揀」,呢到咁多句實用金句,一班絲打今次有排學喇!

雖然薇薇係為咗劇集先至狂練日文,不過見佢啲日文咁流利,相信都下咗唔少苦功。唔少網友都大讚薇薇扮日本人扮得好似,仲話佢去日本嘅話真係可以呃得吓人。不過亦有唔少人話只有薇薇先可以講得咁溫柔又嗲,睇嚟一班絲打要改變喺巴打心目中嘅形象,真係要努力啲先得喇!

網民有話兒:

Wxx_Cxxxk Lau:你估個個都係林夏薇咩!唔好以為講日文就可以扮日本人啦。。。

Pxxx Nxx:如果tag畀女友睇,應該會畀佢打死。。。

Edxxx Chxxx:林夏薇講咩都好聽㗎啦,唔好玩

Waexx Wxx:我可以肯定,就算學得識,佢哋嘅語氣應該都唔會有變!

----------------------------

東網巨星開咗ig喇,大家快啲follow

 https://goo.gl/KGuo2N 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...