掃呢頁CODE去手機

2018年4月8日 星期日

憶童年金舖打工 郭富城幻想返舊址開舖 __,郭富城,

唔知會唔會成真呢?!郭富城(城城)以代言人身份出席活動,席間城城獲贈以金磚和金粒砌成的「10」字紀念品。城城的父親當年是開金舖,他表示估不到真正做到第 ...


唔知會唔會成真呢?!


郭富城(城城)以代言人身份出席活動,席間城城獲贈以金磚和金粒砌成的「10」字紀念品。城城的父親當年是開金舖,他表示估不到真正做到第一個代言人,城城說:「以前讀書時一放假我就會到爹哋舖頭幫手,不過係執頭執尾,畢業後第一份工就去咗另一間大規模嘅金行,由低做起學嘢,所以我知黃金係最保值,由以前到依家升咗3倍。」今次做代言是一個緣分,可能自己成熟了,廣告商覺得我適合做代言。

愛車亦愛黃金

城城本身也有投資,特別是投資他最喜歡的汽車,因為好多名車、古董車既有速度、藝術感,又有價值,在國際市場上更可以升值到好高。記者笑他家中有金庫,城城坦言自己都愛黃金,因為有份情感,畀我好多回憶,而且黃金仲可以當首飾戴,他笑說:「我間唔中都攞出嚟戴吓、摸吓。(你收埋好多金鍊?)幾條,有粗有幼,我特別鍾意萬字鍊同簡單嘅戒指。(仲有龍鳳鈪!)係。(你個囡咪好多嫁妝?)好長遠嘅事,交番畀我,多謝關心。」

城城可有買金粒保值?他表示睇心情,平日逛街除咗買衫,我都鍾意行金舖,因為買金係保值,仲可以一代傳一代。他有想過投資開金行?他表示爸爸的金舖結業已近廿年,亦沒有家人再做金行行業,他一直覺得可惜,他說:「爸爸以前間金舖喺灣仔,我一直有幻想過一個畫面,喺番爸爸舖頭舊址開番間細細地嘅舖位。」

此外,問到城城的舊愛熊黛林快將生B,他可會跟阿Lynn分享育兒心得?城城說:「唔講呢啲。」


來源 source: http://hk.on.cc
鍾意就快D Share啦!