熱爆娛樂: 遇見丁生前的楊千嬅

2013年5月10日星期五

遇見丁生前的楊千嬅

仔唔怕攬，最緊要識揀！（設計對白）

當年今周

遇見丁生前的楊千嬅

睇見政府盲捐 1億賑災，唉，心都實埋！買咗咩、使咗去邊、最終係咪落咗去貪官度，統統都唔知！

就好似我哋女人嘅青春咁。年少氣盛，穿花蝴蝶，卒之，同邊個拍過拖，最終俾賤男呃咗，噢，完全茫無頭緒。唯一肯定，係我的青春小鳥一去不回來！

親熱攬仔

2006年 5月，千嬅出席契細佬陳冠希搞嘅私人 party。兩杯到肚嘅佢，竟主動攬住尹子維。

愈傾愈埋

之後愈傾愈埋，兩人胸撞胸，面貼面，相當親密。

轉𠝹老外

千嬅溝完尹子維一輪冇下文，即轉枱跟一名老外搭訕，完全唔放過任何認識異性嘅機會。

所以媽咪姐幾時都佩服楊千嬅。 2006年，正正遇見丁子高前一年，第 564期《忽周》影到佢參加狂野派對喪溝仔。當時千嬅先後經歷過陳奕迅、鄭中基兩段情緣， 32歲啦喎，唔急起直追仲等咩？主動溝仔咪主動溝仔囉，唔出去識多啲人又點會遇到真命天子？翌年，千嬅即遇到丁子高，結埋婚生埋仔，主攻電影做埋影後。你羨慕人哋幸福？得把口有咩用？幸福係用行動爭取㗎姊妹！