全城熱爆的娛樂八封新聞 & 時事趣聞 & 生活 + 趣聞
慣性嘟嘴嘅苟姑娘，何止宅男見到心動，媽咪姐都忍唔住要講句卡娃依呢！
《金枝貳》收視最低錄得嗰 19點，差到嚇死人。媽咪姐綜合各方姊妹意見，有人話劇本爛，有人就話班二、三線女星如苟芸慧等演技差兼講對白唔清。唉！套劇有成 30集，家陣先播咗兩個禮拜，輸開個頭，無綫想救亡睇怕唔係易事。
前幾日，媽咪姐就見到「哎吔城嫂」喺屋企附近 7仔打書釘。見佢嘟曬嘴，幾乎每份報紙嘅娛樂版同雜誌都俾佢睇曬，咁用心，唔知係咪睇吓仲有冇自己同緋聞 honey郭富城嘅新聞呢？話時話，雖然唔知有冇機會做到正牌城嫂，不過苟姑娘呢個姣嘟 cutie樣，城城見到肯定加分啫！
喺 7仔打足十分鐘書釘，睇飽睇夠後，拍吓手走人。
肥苟先喺門口書架揭揭吓，但愈行愈入，最後直頭走咗入去㖭。
