全城熱爆的娛樂八封新聞 & 時事趣聞 & 生活 + 趣聞
嗱， keep住呢個距離，咪過嚟呀！（設計對白） 係，收到！（設計對白）
女藝人特別多桃花，好似莊思敏（ Jacqueline）咁，最近又傳出同電影導演葉念琛同居。不過，佢就話只係感情好好嘅朋友，大家只係同車，唔係同居。咁都俾佢兜到，真係好嘢！
早幾日，媽咪姐又喺 iSquare撞到 Jacqueline，同行仲有之前傳過緋聞嘅港男白健恩。沿途兩人平排行，但就行到離行離列。之後入到 D-mop，女方就放低戒備，匿喺一角同白健恩密密斟。其間，有 sales行嚟行去執衫，佢哋都冇留意，真係好入神喎！啱嘅，一日係單身，梗係 keep番個 market慢慢揀下先。
莊思敏同白健恩喺舖入面好好傾，但出到商場就扮唔識，交戲囉。
見無乜人注意， Jacqueline忍唔住擰轉頭同白健恩講嘢。
家姐有港男陪，細妹莊思明都同陳司翰翻撻。啱啱仲擺張制服誘惑相上網，春風滿面！
