網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年9月25日 星期三

腳踏 3船 搬竇瘟女 洪永城假愛黃翠如




10/9孖實開工

洪永城和黃翠如於新劇《愛我請留言》再次做情侶,最近就被本刊發現孖住前往開工,睇落二人又真係好襯嘅!

封面

腳踏 3船 搬竇瘟女 洪永城假愛黃翠如

旅遊節目變綜藝皇牌,《走過浮華大地》的洪永城和黃翠如更遊埠遊到狂升呢,情侶檔做主持、拍劇拍廣告又接騷。

最近有報道指洪永城跟「翻版應采兒」約會,事後洪指對方是其前女友。其實,這位「翻版應采兒」正是洪的前度 Emily, Emily上年因為嫌洪花弗主動提分手,直至最近又受唔住對方的冧功而欲斷難斷。不過翻撻前度同時,洪永城再搭上鍾舒漫的形象指導 Bird Tse,加上跟翠如 BB的情侶檔關係,洪永城今次一腳「踏」三船,未有擔正劇集推出,花弗緋聞已贏曬 TVB一眾小生。

30歲的洪永城( Tony)自去年底跟前有線高層餘詠珊過檔 TVB後,即被安排拍攝台慶重頭旅遊節目《走過烽火大地》,由於收視理想, Tony被高層睇起,再安排孖實陳茵媺、陳展鵬拍《單戀雙城》,同煎 pang齊齊做男主角,之後繼續劇接劇,有幾得寵唔使多講!

最近為銀行拍微電影《成就未來》,戲中二人有大量親熱鏡頭,仲有床戲,合作以來最大膽呢次!

頻以情侶檔搵錢的洪永城,冇放過任何一個機會,上週出席銀行活動仲錫錫翠如 BB添!

搭上形象指導

洪永城跟翠如 BB孖住做旅遊節目勁受歡迎,帶挈二人齊齊升呢做花旦小生。

做過 3間電視台的旅遊主持,正宗旅遊王子洪永城口齒伶俐又玩得,身邊一直不乏女性朋友,去年跟拍拖多年、任職金融界的圈外女友 Emily分手後,洪永城當然不愁寂寞,據知最近就成功撻着擔任過鍾舒漫形象指導、經常群住一班潮人出入夜場的 Bird Tse。

知情者透露:「 Bird暗戀咗 Tony好耐,舊年 Tony同女朋友分手後, Bird就更加猖狂,搵 Tony搵得好密,仲成日 po二人嘅合照上 facebook曬命,搞到啲 friend都好好奇佢兩個係咪已經拍緊拖。由於二人當時都算係『單身』,咪搞搞吓真係撻着咗囉! Bird嘅性格同形象原本好癲喪,但因為同咗 Tony一齊,𠵱家都正常番啲。」據知 Bird現居大坑,而洪永城最近便由筲箕灣搬到天後,跟 Bird愈住愈近,去探對方都只是 5分鐘車程,非常方便。

溝鍾舒漫 stylist 夜場連體

最鍾意整古造怪的洪永城與 Bird不時孖住夜蒲,更在不同時候都自拍留念,然後 po相上 fb。醉曬又有、 high住又有,真性情出曬面。

網上圖片

網上圖片

肉麻叫「洪洪」

其實陳豪同洪永城又點能夠相提並論呢?至少陳豪絕對係 TVB一線小生。不過呢句嘢出自 Bird,大概係情人眼裏出西施啩!

新歡變乖

洪永城的新歡是形象指導,曾為鍾舒漫做形象,一向走潮人路線,除了經常化濃妝,更有穿脷環,不過自從跟洪永城撻着,形象即收斂唔少。

'12

上年未正式跟洪永城拍拖, Bird形象前衞又狂野。網上圖片

Bird曾經為鍾舒漫做過形象指導,唔怪得 Sherman有排咁 rock啦!網上圖片

'13

今年 4月跟洪永城愈行愈埋,形象即刻收斂,變番「正常」。

情侶檔密密賺

洪永城和黃翠如憑旅遊節目響朵,廣告商自然向佢哋招手。近日二人以情侶檔出席多個活動,仲拍埋廣告,短短半年二人已有近廿萬收入,算和味!

洗頭水廣告每人 8萬

餐廳開張嘉賓每人 3萬

澳門活動每人 3萬

掟煲唔掟蓋

洪永城女人緣極旺,身邊又點會只得一個女伴?最近便被發現跟一貌似應采兒的女子約會,其間洪又搭着對方膊頭。事後他解釋對方其實是前度女友,更說:「大家有聯絡,我鍾意呢種關係,大家雖然合拍,應該不會復合。」

「翻版應采兒」就是去年尾本刊踢爆,因為難忍洪永城花心而提出分手,任職金融界的 Emily。不過洪永城跟舊愛掟煲唔掟蓋。口才了得洪永城,即使多次被前女友踢爆跟異性約會,仍憑住三寸不爛之舌成功翻撻對方, Emily更心鬱鬱考慮正式跟洪永城復合。

30/8買袋執包袱

做曬當日工作,洪永城先到樓下雜貨鋪買定大量紅白藍袋,再返回筲箕灣寓所,執定包袱搬新屋,跟新歡 Bird愈住愈近。

8月筲箕灣舊居

8月尾洪永城仍然返緊住開嘅筲箕灣新成中心。

9月天後新竇

9月初,洪永城已經搬咗去天後維多利中心,看更仲會開門畀洪永城,好快熟絡曬喎!

撇唔甩前度

洪永城和任職金融界的前女友 Emily合照仍然留在 Emily的 fb,這個「翻版應采兒」睇嚟真係離不開洪永城嘅五指山喎!網上圖片

話曬拍拖多年,加上洪永城鬼咁得意, Emily點會捨得?所以洪永城落吓嘴頭,輕易氹番前度。網上圖片

翠如 BB:「佢把口花弗」

盛傳 06年二人在有線齊齊主持過旅遊節目,當時洪永城已力追翠如 BB,可惜一直唔成功。不過跟翠如 BB的關係就好似情人知己,翠如 BB仲幫洪講好說話,澄清佢得把口花弗。

至於情侶拍檔翠如 BB,洪永城早於有線年代已經溝過,可惜一直唔成功。據知當年已對黃翠如極有好感的洪永城,對這位靚女拍檔的攻勢亦冇停過,最近多得其恩師兼伯樂、 TVB綜藝科總監餘詠珊,安排二人以情侶檔拍住做旅遊節目兼出席商業活動、拍廣告,洪永城即「男友」上身,不時搶住照顧翠如 BB,更當住所有人打情罵俏宣示主權,傻更更翠如 BB亦受曬。

週一本刊致電翠如 BB,她一聽記者提起二人緋聞便哈哈大笑,「我肯定唔會(同洪永城拍拖),就算未來都唔會。我哋識咗 8年喇,我當佢係我親人,冇男友 feel喎!」記者續問翠如 BB是不是因為洪形象花弗所以拒絕對方,翠如即為對方辯護:「佢係一個好專一嘅人。呢 8年嚟,佢講咗好多佢嘅愛情故事我聽,由識呢個女仔,到追求到發展都有講我知。(好多愛情故事?咪即係好多個女友?)咁又唔係,我知佢係一個好長情嘅人。佢把口花弗,但佢唔敢做,對女友好好㗎!」好在翠如 BB咁清醒喎!

餘詠珊捧做「男二」

自餘詠珊去年初過檔無綫並任綜藝科總監,陸浩明、黃翠如等人紛紛跟埋過檔,當中以洪永城成績最好,繼連做多輯旅遊節目主持後,加入無綫一年未夠已是二套劇的男二。

《男大當婚》

試造型

拍住視帝黎耀祥做富家公子,仲要患有人格障礙,女友由唐詩詠飾演。呢套劇真係考洪永城演技喇!

《單戀雙城》

拍完

遠赴馬來西亞拍攝,飾演甜品廚師的洪永城同林夏薇做情侶,同劇更有煎 pang和就嚟生得嘅陳茵媺。

《愛我請留言》

拍緊

同翠如 BB繼續做情侶嘅洪永城,今次屈居黃浩然和關禮傑之下做男三,後來要將翠如 BB雙手奉送畀「男一」黃浩然!



鍾意就快D Share啦!