全城熱爆的娛樂八封新聞 & 時事趣聞 & 生活 + 趣聞
Joey話中秋同屋企人及同事過咗一晚，好開心。不過 FBI覺得師兄冇得喺中秋「賞月」，嘥咗啲啫！返到嚟香港真係要「追月」喇！
12月開跨年個唱嘅容祖兒，最近首〈天窗〉喺電台日播夜播。據知今次演唱會 Joey亦會有大量勁舞，唔知近排係咪練得犀利，有眼見 Joey身形亦愈來愈 fit，尤其係個靚股。
上週四（ 19日）中秋節出席麥當勞活動時， Joey就着住條皮褲扭扭擰擰，即使企喺度講嘢，都有意無意扭吓腰、騷吓股。中秋節咁啱師兄劉浩龍唔喺香港陪 Joey，嘥曬喎！
Joey狂曬靚股，可惜叠講稿塞曬入褲袋，影響咗視覺效果添！
講講吓台詞 Joey都要扭吓下身，就知 Joey對自己身材勁滿意啦。
