全城熱爆的娛樂八封新聞 & 時事趣聞 & 生活 + 趣聞
上週二（ 17日）苟姑娘出席《飛虎Ⅱ》煞科宴，雖然仲係肥，但塊面開始有番啲輪廓。
自從肥咗之後，苟芸慧個花名由苟姑娘變做肥苟。雖然佢自爆話用中藥減緊肥，可惜等咗成個夏天都未見效，愈減愈肥，唔心急就假喇，有二五就向 FBI爆料，話苟姑娘已經停食中藥，反而開始幫襯番外國牌子嘅營養補充產品。
聽講佢最近就用咗幾萬蚊買「 N」字頭直銷牌子嘅減肥藥及其他減肥產品。入秋先嚟發力？唔緊要啦，好過繼續肥啦！
尖咗啲
FBI聽聞苟姑娘其實食好少嘢，但愈減愈肥，上月出席活動，更係肥腫難分，中藥對佢一啲幫助都冇。
