網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年9月25日 星期三

尖面阿澤穀到人魚線




最新

阿澤跟 Michael操咗半年,雖然未有張家輝咁勁,不過隱約見到朱古力腹肌,塊面又尖曬, man咗好多。

FBI

尖面阿澤穀到人魚線

張家輝喺《激戰》爆肌後,男星個個都話要變做張家輝,近排有肥仔底嘅杜汶澤又玩大隻。

Michael為星級健身教練,鄭伊健嘅 8嚿腹肌都係佢嘅作品,其他明星客仔包括草蜢、薛凱琪和軟硬等。

阿澤最近因為要拍《豪情 2》而跟咗林姍姍男友、健身教練 Michael操肌。之前已經見阿澤成日自拍玩 gym相,上星期五,中秋翌日假期, Michael仲 po咗阿澤 fit爆相上自己微博, FBI見到阿澤開始有少少人魚線,成個倒三角身形出曬嚟。阿澤仲大爆自己嘅操肌心得:「每日一小時帶氧運動,一週三至四日舉重,三成靠舉七成靠食,控制飲食先係關鍵……。」除咗操肌,阿澤最近都有唔少戲上,繼《超級經理人》,今個星期仲有佢同娜姐孭飛嘅《爛滾夫鬥爛滾妻》,當時阿澤嘅身形同𠵱家梗係差好遠啦。

半年前

阿澤一向豬肉佬身形,為拍《豪情 2》專登操肌,上週更公開操練秘密。講到尾都係食得清、操得密,問題係有冇恆心啫。

未變大隻嘅阿澤早排同周秀娜拍《爛滾夫鬥爛滾妻》嗰陣仲係成身肥肉,加埋呢身 SM造型,其實真係幾難頂。

《爛》片其中一幕講娜姐請阿澤等人去 P,阿澤為咗成為全場焦點,不惜用陽具款頭套笠頭,超重口味。



鍾意就快D Share啦!