[壹週刊 1240] 孟瑤賣袋慳住使 M1,

孟瑤將個舊名牌手袋用環保袋入住攞去賣。

同你吟一吟

孟瑤賣袋慳住使

做過晶女郎嘅孟瑤，當年靠 34F乳牛胸俾王晶睇中，仲話捧佢做邱淑貞接班人。講就天下無敵，孟瑤 08年同內地內衣品牌總裁周磊結婚，兩年後再生埋個仔，乾手淨腳。

有傳老公身家億億聲，照計孟瑤可以繑埋雙手日日 shopping湊仔，但佢依然偶然拍嚇戲賺私己錢，早排《壹》仔仲撞見佢去名牌二叔公賣手袋套現。當日孟瑤孭住個 Chanel，手就攞住個大環保袋，同朋友走咗入銅鑼灣一間名牌二手店，搞咗廿分鐘，離開時大環保袋唔見咗，孟瑤銀包就多咗錢。

現金到手，孟瑤之後同朋友去咗又平又多𡃁妹仔用嘅韓國化妝品店掃貨。賣貴袋買平化妝品，乜老公呢排冇俾家用咩？

去到名牌二手店，店員細心 check清楚個袋，孟瑤被迫罰企等咗廿分鐘。

放完袋，孟瑤同朋友行價錢大眾化嘅韓國化妝品店，兩個買完粉底，仲企出門口拆盒試用。

鍾意就快D Share啦！

下一篇 》