問廖碧兒陳豪囝囝 Aiden靚唔靚仔，佢點都唔肯答，只係講咗兩次好得意，算俾面。
同你吟一吟
陳豪生 B 廖碧兒應酬祝福
上個禮拜三（十二月四日）陳豪同陳茵媺嘅囝囝 Aiden終於出世，可能媽咪仲後生，加上順產， Mo嫂留院三日，已經可以連人帶 B出院，愛妻號陳豪，更出動調虎離山之計，現身醫院大堂接受傳媒訪問，老婆同 Aiden就由親友護送，走後門上車走人，可惜最後都俾傳媒發現。
兩母子避無可避，前任 Mo嫂廖碧兒同樣避唔到要回應舊愛而家有幾幸福。
上個禮拜五晚（六日）廖碧兒出席「浪琴表香港國際賽晚宴」，記者問佢見到陳豪做老豆，心情有冇酸溜溜？廖碧兒全程強顏歡笑話：「冇呀！」係咪送上衷心祝福，廖碧兒繼續官腔：「係。」點都唔多肯講陳生陳太，但係對 BB仔 Aiden就俾足面，大讚好得意。
前度幸福滿瀉，最慘係廖碧兒嘅前前度劉愷威，下個月都同楊冪拉埋天窗，仲有傳兩個先有後婚，廖碧兒講劉愷威表現冇咁避忌，話就話分手後有見面聯絡，不過人哋結婚，佢都係睇微博先知。係嘅！女人口不對心，尤其係廖碧兒，都唔係新鮮事。
|
鍾意就快D Share啦！
|
|
|