同你吟一吟
馬賽面皮夠厚
馬賽同 TB汪子琦雖然分咗手，但有關佢兩個嘅情史，講到今日都未講完。最新版本，話佢哋三人行歐遊期間，馬賽背住「大婆」 Laura，響梵蒂岡教堂頂樓主動錫汪子琦，之後兩個仲走去爆房。主動獻吻再獻身，內容愈爆愈三級，大話馬賽今次真係用鏹水都洗唔清陣狐狸味，就算公司肯俾佢復工，純情招牌根本救唔番。
其他影片
上個禮拜三（十八日），銳意諗橋翻身嘅馬賽約埋人稱「港姐之母」嘅 Rosa陳紫蓮，去銅鑼灣利園二期 high tea傾心事，希望度番一兩招傍身。
飲完茶，兩個行去禮頓中心攞車走人，其間遇見大批記者，圍問馬賽歐遊當日主動獻身爆房艷聞，當事人保持微笑，邊行邊細細聲話：「多謝！唔會！」急步行去搭𨋢鬆人。學 Laura話齋：「原以為事過境遷，竟然還有一個更不堪的真相！是我高估人性，奈何狐性險惡！」難得馬賽仲咁氣定神閒，真係面皮薄啲都頂唔住。
|
鍾意就快D Share啦！
|
|
|