[壹週刊 1246] 用心良苦 許冠傑開騷谷肥仔

探熱針

用心良苦　許冠傑開騷穀肥仔

已經六十五歲的歌神許冠傑○四年出山後，唱開有癮！前年在紅館開完六場個唱，今年四月又吹雞，與兩子懷欣同懷穀一齊落場，開騷吸金外，歌神更力推做幕後的細仔懷穀（ Scott）坐正做導演，落重本拉隊到夏威夷私人小島拍 MV；日前又玩突擊，一家三口晨早出現尖沙咀碼頭拍《財神到》 MV，有份上鏡的懷穀揸住部機邊唱邊拍，幕前幕後兩撈。

唱《財神到》有財神

唱《打雀英雄傳》有麻雀枱

歌神 Sam出巡，被大批市民包圍時，亦有忠實粉絲貼身追蹤。

私人島拍 MV

出過三張唱片的歌神大仔許懷欣，結婚再生埋對孖仔後，已轉職做設計養家，至於○九年都做咗「老襯」的細佬懷穀，二人世界冇壓力，近年集中做幕後，幫過不少圈中人拍 MV的他，得歌神老豆帶挈，指定他為今年四月舉行的演唱會 MV做導演，包括策劃安排，全程一手包辦。

「我哋揀去夏威夷拍，因為媽咪嘅屋企人喺曬度，爹哋亦好鍾意嗰邊，覺得好 relax，大家都拍得好開心。」許懷穀說。

為配合 MV主題「 What a Wonderful World」，懷穀特別託朋友幫忙，搭通天地線，借得電影《侏羅紀公園》的私人小島，實景拍攝。

Scott出盡人情牌，安排爸爸在拍攝《侏羅紀公園》的私人小島實地拍 MV，坐在馬上的 Sam威風澟澟。

許媽媽的家人在夏威夷居住， Scott特別挑選在當地為爸爸拍 MV，原來是一份情意結。

Ryan與 Scott感情很好，即將推出全新專輯的 Ryan，亦考慮找 Scott幫自己拍 MV。

同陳奕迅合作

雖然有父蔭，但許懷穀絕對不是「大食懶」！這幾年他先後幫過陳奕迅、陳冠希、吳彥祖等拍 MV，早前曾國祥、李燦琛在澳門拍戲，他亦有幫手。

「而家拍 MV嘅 budget好有限，所以我會接埋其他大公司拍宣傳片，呢啲公司先俾得多錢。」至於早已轉型兼做設計的懷欣，除了為非主流樂隊設計 CD封面、紀念品 logo外，也有同 VANS合作，孭起一家四口重擔。

Scott一直很低調，唔講唔知，原來他為陳冠希、陳奕迅等人拍過唔少 MV，私底下他與陳冠希亦很老友。

俾位穀細仔

上週六（一月十八日）一早，許冠傑同兩個仔玩快閃出現尖沙咀碼頭為個唱造勢拍賀年 MV，發福不少的歌神一如過往，以皮褸結他埋位，揸住攝影機邊唱邊拍的懷穀，不時周圍走拍花絮。據了解，歌神計劃將花絮安排在電視播，以增加懷穀作品曝光機會，用心良苦。

連唱三首串燒金曲《財神到》、《打雀英雄傳》以及《最緊要好玩》後，現場愈來愈多途人圍觀，本來唱完馬上閃的歌神，最終被 fans拉住合照，見在場人士反應熱烈，歌神亦心情大好。

「好耐冇拍外景，今日天氣好，感覺好爽。」有求必應的許冠傑，最終留到十一點半先閃得！

04年復出吸金，歌神服裝以豹紋做主題，又請曾經合作過的梁詠琪做嘉賓，反應熱烈要開 Part two。

Scott將會為麥當勞之家拍短片籌款，有已經落實的軟硬及度緊檔期的黃宗澤力撐。

尖沙嘴玩快閃外，歌神又返去香港大學陸佑堂拍宣傳片，當日老婆 Rebu全程傍住，更用手機拍低老公。

父子兵

藝人二代入行，唯一優勢是出道時可以靠父母製造話題提高知名度，但日後是龍是蟲，都得靠自己，一步一步捱。

林德信

林子祥兒子林德信於 12年出道，雖然已經有林姍姍撐住做經理人，並簽到入環球唱片做歌手，但阿 Lam還是忍不住出手，幫兒子首張 EP其中一首歌做監製及作曲外，又埋位拍了條 MOOV電視廣告《 MOOV音樂撐你》，去年更父子檔拍 GNC保健食品廣告，撐出面。

劉子千

台灣名作曲家劉家昌及 70年代文藝女星甄珍的獨子，父母猛料， 09年劉子千簽約華納唱片，被視為秘密武器，封筆多年的劉家昌為兒子寫下作品《玫瑰》，大獲好評。 11年推出第二張唱片時，劉家昌出手炮製主打歌《唸你》，結果被網民狠批兼惡搞，劉家昌為此大呼對不起兒子，成功製造不少話題。

鍾意就快D Share啦！

下一篇 》