全城熱爆的娛樂八封新聞 & 時事趣聞 & 生活 + 趣聞
Joe Junior呀，你話曬都六十幾歲，咪掛住做耷頭黨，小心睇路喎，叉錯腳就唔好啦。
同係《三個小生》， Joe Junior比起謝賢同胡楓，佢嘅存在感近乎零。此話怎講呢？
話說謝賢同胡楓出入有私家車代步，而 Joe Junior呢，返工放工都係搭港鐵。早幾日，喺地鐵站又見到 Joe Junior，喺等車期間，見佢拎住部 iPad左轉右轉，搞咗一大輪，直至有車入站，佢都係頭耷耷咁行入車廂！
好彩喺車廂，久唔久都會昂高頭睇嚇去到邊，睇嚟佢係驚搭過龍。
車廂乘客完全冇意會到呢位揸住 iPad撥得好過癮嘅阿叔就係 Joe Junior。唉，存在感咁低，都唔知係好事定壞事。
