熱爆娛樂: [忽然1周 965] 月擸 36萬租　富婆徐小鳳收埋億半身家徐小鳳,MW,

2014年1月24日星期五

[忽然1周 965] 月擸 36萬租　富婆徐小鳳收埋億半身家徐小鳳,MW,

No姐上身

日前，記者到小鳳姐位於沙田的寓所採訪，當見到記者時，氣定神閒的小鳳姐開腔說：「你哋唔使追我啦，總之你鬱我唔鬱，你哋叫你公司嘅編輯同我講啦！」記者遞上電話後小鳳姐對本刊編輯說：「你哋乖乖哋啦！唔好跟我啦，我老人家揸車好危險㗎！」本刊編輯打蛇隨棍上問她買樓心得，她竟連聲說：「 No， No， No，我冇買樓！（但係 search顯示你有好多物業。） No， No， No，有我仲使唱歌咩？」堅持唔認富婆，小鳳姐果然人老心不老。

娛樂喧

月擸 36萬租　富婆徐小鳳收埋億半身家

蟄伏七年， 63歲的徐小鳳鐵定在今年二月再開紅館騷，據知六場演唱會的內部認購已經爆滿。曾創下演唱會場數最高紀錄的她，為保金漆招牌，近月一直在其沙田百樂別墅「閉關」。

小鳳姐近年雖然刻意減產，但生活一直無憂。本刊翻查資料，顯示其名下所持十六個物業，在三十年間升值超過六倍，單單每月租金收入已達 36萬。小鳳姐自己亦說：「細細個阿媽已經叫我一有錢就買金同掃磚頭，估唔到依家樓市癲成咁！」

猛人撐場

記者會上有楊受成及林建嶽等老細撐場，據知楊老闆亦是小鳳姐的「貴價麻雀腳」之一。

徐小鳳入行 45年，早已榮升殿堂級歌手。近年極少曝光的她，每隔數年都會開騷會友止止歌癮。小鳳姐開騷，就連《左麟右李》亦要讓路。早前克勤便透露：「其實我同阿倫想要埋農曆年個期，不過最後俾小鳳姐要咗。論資歷，阿倫同小鳳姐旗鼓相當，不過輸俾小鳳姐，我哋心服口服。」早前，小鳳姐開記招宣布開演唱會，東亞老闆林建嶽和英皇老闆楊受成均有俾面撐場。至於學友、劉華和鄭秀文亦特別錄製預祝個唱成功片段，可見小鳳姐地位超然。

住舊樓揸平車

小鳳姐開騷，經典傘裙唔少得。在即將開鑼的紅館騷，她一早預言會穿上黑白波點裙，其他歌衫則仍在考慮中。知情人透露：「小鳳姐過往開演唱會，都有 keep住啲裙同鞋，雖然有啲擺咗十幾年，但佢話啲裙咁新淨，加啲珠片上去改少少裙款就著得番。佢反而擔心條腰始終唔同以前，所以要喺呢 part做多啲工夫。」除演唱會歌衫循環再用，出名節儉的小鳳姐，一直和家人同住有近 40年歷史的沙田百樂別墅，名下擁有的車亦是十多萬的韓國舊款私家車。

精靈鳳姐

雖然已屆 63歲，但小鳳姐依然鬼咁精靈，出車無耐已經發現記者。揸住舊款韓國車的她，更在車上向記者揮手，十分鬼馬。

未修身

離開騷唔夠一個月，但當日所見，小鳳姐身形稍臃腫， 22吋招牌黃蜂腰未見影蹤，睇嚟小鳳姐要加把勁 keep fit啦！

慳使掃磚頭

波點裙再現

徐小鳳透露會在今次演唱會再穿波點傘裙。「有次演唱會冇著，班歌迷話好失望。」

慳住慳使，但本刊日前以其真名「徐鄖書」在土地註冊處查冊所得，發現小鳳姐自八十年代開始，已有鋪掃磚頭癮，名下不單有 16個物業，而且種類眾多。當中包括住宅別墅、店舖、甚至商廈。近年樓價癲升，小鳳姐的磚頭亦翻了幾番。保守估計，其名下物業市值已近 1.5億。知情人透露：「小鳳姐基本上係唔識投資，佢買買埋埋啲樓，咁多年一間都冇賣出去，全部用嚟放租。好多間屋買返嚟都係幾十萬至二百萬，到依家都已經供斷曬，每個月佢齋收租都有 30幾萬。佢唯一嗜好就係打牌，每次都幾萬蚊上落。不過佢志在搵啲雀腳返嚟傾偈過日辰啫！」

阿媽教路

原名徐鄖書的小鳳姐，由 80年代開始儲樓，現時物業價值已翻了幾番。

坐擁億半身家，小鳳姐日前在商台節目中，談到買樓心得時，坦言自己符碌好彩，亦多得阿媽教路。「啲人話我有好多樓，其實我買樓係聽阿媽話。我細個嗰陣，佢已經同我講買金同磚頭好，結果兩樣都中曬。我冇時間留意財經，又唔識玩股票，有錢就買磚頭。唉！我都估唔到個樓市癲成咁。啲金都升到『叭叭聲』，早知都買金啦！」問她現在會否再入市炒樓，挑通眼眉的小鳳姐有保留，「嘩，依家邊敢買呀，呢啲嘢要問咗四叔（李兆基），等佢俾咗金句先啦。」小鳳姐明明在電台開口話自己有買磚頭，但日前記者採訪她時，她卻一反常態連聲表示自己冇買樓，唔通年近歲晚，小鳳姐驚俾人標參？