[忽然1周 965] 朱少杰留港護妻 郭羨妮懷第二胎局停工 朱少杰,郭羨妮,MW,

扶實老公

1月 9日下午 4時許，包到冚嘅郭羨妮繑實老公朱少傑，慢步行傢俬店。當時她身穿鬆身衫，又有大褸遮住，孕味極濃。

滾熱辣

朱少傑留港護妻　郭羨妮懷第二胎局停工

2012年生女後減產的郭羨妮，已一年沒有為無綫拍劇，最近她復出接拍古裝劇《無雙譜》，更夥拍視帝黎耀祥，想收復失地。雖然新劇在月初已進行造型，但人算不如天算，據知郭羨妮現懷有個多月身孕，為怕影響胎兒，她曾向《無雙譜》監製羅鎮嶽辭演。監製向郭羨妮極力遊說，並把她的動作場面改為文戲，不過新劇開拍數天郭依然冇影。

郭羨妮懷第二胎，老公朱少傑亦留港照顧妻女。 1月 9日下午二人現身九龍灣宜家傢俬，郭羨妮像幪面超人般包到冚，孕味極濃。一向以家庭為重的郭羨妮，隨時停工唔拍新劇。

其他影片

現年 39歲的郭羨妮，前年 5月誕下女兒 Kylie後，一心諗住減少拍劇專心湊女，可惜上年 5月老公朱少傑突然被公司解僱，原本做武術總監的他轉做兼職武指，收入大減。郭羨妮為幫老公翻身，指明要朱少傑做導演，才肯接拍大陸劇《金玉瑤》，三個月前正式復出拍劇。

曬幸福

朱少傑自從被公司解僱後，在內地工作量大減，索性返香港與老婆郭羨妮及女兒 Kylie共聚天倫。郭羨妮亦經常上載幸福家庭照到微博曬幸福。

專吼平貨

郭羨妮搵錢能力雖然強勁，不過要供樓兼養全家，一闊三大，買嘢都會格價。當日郭羨妮見到$59地毯雙眼即時發光，不過仔細看過後都冇買。

郭羨妮對其中一張兒童碌架牀情有獨鍾，拉埋老公狂睇，睇到唔願走。

向監製報定案

未埋位

本月 8日郭羨妮出席新劇《無雙譜》試造型，與劇中男主角黎耀祥演情侶，不過郭羨妮至今仍未埋位拍劇。

在上海橫店拍《金玉瑤》日對夜對三個月，二人終於「搞出人命」。郭羨妮去年十月曾揚言要追多個仔，估不到咁快就 bingo，郭羨妮現已懷孕個多月。知情者透露：「 Sonija（郭羨妮）不嬲都不設防，兩公婆喺橫店一齊開工，夜晚同房，有咗都好正常吖！上月拍完套劇返香港， Sonija發現月事未到，懷疑自己有咗。」

本月初郭羨妮仍未睇醫生確認有孕，但無綫古裝劇《無雙譜》卻開拍在即，連試造型記者會都開埋，郭羨妮惟有向監製羅鎮嶽報定案，並打算辭演。知情者續說：「 Sonija臨開拍先話懷疑有咗，佢同監製講可唔可以 hold住先。你叫監製去邊度搵女主角頂替吖？依家啲花旦得嗰三幾個，啲期又密麻麻，監製都好頭痕。最後話刪走曬啲動作改做文戲，應承俾足夠時間 Sonija休息，又話古裝戲服咁闊，大肚都唔覺。 Sonija暫時仲考慮緊。」

睇中碌架牀仔

本 1月 9日獨家拍到郭羨妮與老公朱少傑行街睇傢俬，為腹中的「新成員」作準備。當日下午四時許，兩人現身九龍灣 Mega Box宜家傢俬。為免被途人認出，郭羨妮包頭蒙面，雖然穿上大褸，仍隱約見到圓潤不少的身形。郭羨妮似乎對兒童碌架牀情有獨鍾，拉住老公望完又望不捨得走。兩人行了一小時，買了些碗碟及家庭用品便離開，由郭羨妮駕車返回清水灣半島寓所。

封口拒回應

被問及是否已懷孕六周，郭羨妮封口不答。上周一（ 13日）下午五時，郭羨妮駕車載住老公，由清水灣半島寓所到將軍澳新都城準備行街，但她在停車場發現記者，車都唔落直駛返屋企，拒絕回應記者提問。

以往郭母都會跟住郭羨妮出入，照顧孫女。自從朱少傑留港，郭母寧願留在家中，都不願與女婿一起外出。

開劇唔見影

有老公陪行街當然開心，不過難為了《無雙譜》一班演員。新劇上周五（ 17日）正式開拍，據知田蕊妮、黃宗澤及岑麗香不停跳拍其他場口，女主角郭羨妮一直唔見影，令她與黎耀祥的對手戲也要 hold住，而監製亦打定輸數另覓女角，現階段非常頭痕。

眾所周知，無綫拍劇時間長，懷孕的郭羨妮當然不適宜拍劇。為免郭羨妮「耳仔軟」，現在無業的老公朱少傑決定留港，睇實老婆。

其實郭母一直不滿女婿朱少傑搵得少，要女兒獨力持家。前年郭羨妮入住九龍法國醫院 VIP頭等房剖腹產女，埋單十六萬都是由郭支付。據知郭母現時仍與女兒女婿同住，不過與朱少傑同枱食飯就各自修行，關係有待改善。而郭母得知女兒又有喜並沒有表現高興，認為只會加重女兒的經濟負擔。郭羨妮今次造人成功，有人歡喜有人愁咯！

夫妻檔上陣

郭羨妮指明要由老公朱少傑執導，才肯接拍國內劇《金玉瑤》。去年十月兩夫妻在上海橫店開工，拍劇三個月才返港。

家庭支柱孭重飛

郭羨妮不介意老公比自己細 6年，也不嫌棄對方經濟狀況，拍拖數月即貼樓結婚。 Sonija每月要負責供樓，加上女兒奶粉錢及供養母親，每月開支超過十萬，一人搵錢幾個人使，擔子非常重。

其他影片

鍾意就快D Share啦！

下一篇 》