同你吟一吟
任賢齊大女自動打格
早個禮拜，《壹》仔喺中環 ifc撞見任賢齊一家四口，帶埋工人去睇 3D動畫《魔雪奇緣》，睇完戲，都未行出商場門口，小齊女友 Tina已經喺個袋攞咗自己條頸巾出嚟，俾個女戴住，之後搭扶手電梯落去上車，海旁風大，小齊同 Tina合拍地一人一個，幫兩個小朋友扣埋件衫，廿四孝父母，照顧小朋友，同行工人完全唔使鬱手。
其他影片
當年因為經常要來往香港大陸做嘢，為咗爭取機會同家人見面，小齊於是將女友 Tina同大女 Rati搬埋嚟香港住，之後（○八年）仲啤埋細仔 Cody出嚟。稱得上絕種住家男人嘅小齊，上星期四（二十三日）又舉家出動去銅鑼灣，八歲嘅 Rati見到大班記者，索性自動打格，將外套拉鏈拉到上頭，同媽咪 Tina一樣，唔鍾意上鏡。
其實除咗同胞，台胞一樣愛港！八珍應該反省，自己係身在福中不知福，香港有幾好？奶粉尿片丁麵曲奇蛋卷金莎，總之一言難盡。
|
鍾意就快D Share啦！
|
|
|