全城熱爆的娛樂八封新聞 & 時事趣聞 & 生活 + 趣聞
針唔㓤到肉唔知痛！所以，經歷過大病嘅人會額外注意健康， 09年因為「偷食」搞到幾乎婚姻破裂嘅林文龍、郭可盈，關係反而進一步穩固。
近幾年，將賺錢養家重責交託林文龍，自己專心湊女嘅郭可盈，早個禮拜，同老公拍拖行街買嘢準備過年，兩公婆喺圓方巡來巡去，終於喺 Joy& Peace買到對鞋，之後走入 Franck Muller睇 catalogue同店員傾咗陣，唔夠十分鐘就離開。 五點幾，差不多夠鐘返屋企。林文龍、郭可盈行去 W酒店出口等司機接，其間兩公婆拖住手，有講有笑。此情此景，八珍又想起「珍惜眼前人」五個字；失而復得，呢頭家箍番實，得來不易！
為咗照顧囡囡天若，郭可盈已經冇再接劇，家庭重擔，林文龍孭。
經歷風浪後，兩公婆十指緊扣，感情更穩固。
兩公婆喺 Franck Muller揭嚇 catalogue問嚇嘢，十分鐘唔使走人。
郭可盈去洗手間，幫老婆挽住袋鞋嘅林文龍研究商場指示牌，睇嚇 Franck Muller間 shop喺邊個位置。
等司機接，依然拖住手嘅林文龍同郭可盈傾到笑曬。
