[FACE 349] 官恩娜喊擦大陸鞋？ 官恩娜,MF,

被網民鬧爆嘅 Ella，被問到係咪好委屈時，即喊到收唔到聲，下次唔好咁傻喇。

FBI

官恩娜喊擦大陸鞋？

近官恩娜（ Ella）幫某報章專欄寫文章時，提到大家都係中國人，要畀空間去接受內地同胞，唔需要太多歧視。

最近官恩娜喺報紙專欄叫港人包容大陸同胞，卒之惹起公憤，有網民更講粗口叫喺大溪地長大嘅 Ella，交番法國本護照出嚟，其實佢冇攞嘅係特區護照。

Ella雖然講出心聲，但之後即被網民洗版鬧爆。週一（ 27日）， Ella出席活動時終於開腔回應。首先 Ella即場澄清自己攞特區護照，並非法國護照。

被問到係咪覺得好委屈？ Ella即眼濕濕，之後仲流住淚話：「質疑身份唔委屈喎。我明白佢哋（網民）點解咁嬲，我講嘅只係生活小禮儀，唔係叫佢哋接受人哋喺街大小便……我會小心啲。」搞到喊曬，有網友仲質疑 Ella只係想借機唱好嚇「大陸同胞」，諗住返大陸登台搵 job機會多啲，不過以 FBI所知，一向極少大陸 job的 Ella真係傻更更「領嘢」咋！ FBI勸 Ella，學 G.E.M.靠把口響朵仲好啦！

鍾意就快D Share啦！

下一篇 》