[FACE 349] 豁出去 無綫當草 轉簽 Paco 袁嘉敏：露三點都得！ 袁嘉敏,BKD_S,MF,

Candy擁有驕人身材，試過長達半年，收到不明電話性騷擾，有時狂迷仲會寄信到無綫，「佢哋話自己好 lonely，仲入埋回郵信封等我方便回信。」

真面目

豁出去　無綫當草　轉簽 Paco　袁嘉敏：露三點都得！

09年港姐「最上鏡小姐」袁嘉敏（ Candy），有樣有身材有學歷，但喺無綫 4年，一直只主力綜藝節目、娛樂新聞主持，有時仲要等機場更，港姐變娛記。

屈就 4年， Candy決定不再與無綫續簽經理人合約，成功搵到伯樂 Paco黃柏高，加盟太陽娛樂文化旗下藝人，在影壇大展拳腳。回復自由身嘅 Candy，去年已經暗起革命，拍落幾套大片包括《竊聽風雲 3》、《賭城風雲》和《 3D豪情》等。睇西片長大的 29歲 Candy仲話︰「唔太介意全裸，三點全露都 ok！」嘩！導演們快手喇！

其他影片

Paco去年簽下 Candy（後排右），成為太陽娛樂文化藝人，週日（ 26日）出席公司年度發布會，無綫的沈震軒、梁烈唯都將和 Paco合作。

Candy曾在陳可辛公司任職宣傳和發行工作，之後經吳君如提名參加「香港小姐」奪得「最上鏡小姐」。無綫知悉 Candy操得一口流利英語和國語，刻意安排她主持節目及採訪娛樂新聞；至於拍劇就寥寥可數。雖她試過提出拍劇要求，無奈公司懶理，苦等四年多的 Candy最近與無綫斬纜，結束經理人合約。

被迫追問陳豪

打算在電視城有一番作為的 Candy，曾搬到將軍澳方便工作，但這幾年只在無綫行行企企，她說︰「開頭第一年最辛苦，做娛樂新聞主持，因為好多時要等夜更，一等就等足一日時間，有時唔夠時間跑下一單 job仲要趕的士。」最尷尬有一次， Candy被派到機場等陳豪回港，當時陳豪還未承認跟陳茵媺拍拖，但其實 Candy一早已經知道實情，無奈要扮唔知追問，「其實我唔係入 TVB做娛樂記者㗎！加上我又唔鍾意撩人哋嘢問，真係好尷尬！」

去年， Candy跟無綫約滿經理人合約，公司可有跟她傾續約？她說︰「有，但唔係樂小姐，我都明白公司好多人，好難照顧每一位藝員，有時出外工作，都冇同事陪㗎。」 Candy現在已轉為普通藝員合約，至於跟 Paco合作，是因為一篇雜誌訪問。 Candy說︰「有一日 Paco嘅秘書打嚟，問我有冇興趣見嚇面，同 Paco好夾，起碼佢都覺得我適合著貼身衫。」

Candy自 09年參選港姐後，在無綫只主持《東張西望》和娛樂新聞台，拍劇無望， Candy梗係急急搵後路啦！《蘋果日報》圖片

輸畀高寧

12年， Candy夥拍蘇民峰、高海寧主持節目《順峰順水》，高海寧現在至少都是第二女主角，但 Candy就被無綫冷落。網上圖片

Candy拍劇最為人熟悉只是《潛行狙擊》，可以拍住劇中男主角謝天華，仲傳過緋聞上雜誌封面。

淪為大茄

去年 Candy拍《情逆三世緣》已淪為二打六， Candy知道已無發展空間，決定去影圈闖闖。電視圖片

收性騷擾電話

簽了新公司， Candy現在出入仲有同事跟住。 Candy更透露，未簽 Paco前，試過有導演直接打電話，叫她到辦公室試戲，「直接打嚟又試過、 facebook inbox又試過，咁當然會問嚇啲朋友。試過自己上咗去觀塘一間辦公室見導演，去到就畀個劇本我試戲，其實𠵱家諗番都有啲驚。」

最近 Candy更收到電話性騷擾，她說：「試過持續咗半年，每次都係淩晨兩、三點打畀我，因為前幾個月冇經理人，所以驚係電影公司打嚟叫我試鏡，點知一聽就得啲呼吸聲，聽到真係好唔開心㗎！有時仲 send啲情慾 SMS嚟，仲話好留意我所有嘢，搞到我勁驚。」會唔會因此而減少性感？ Candy就話唔會，轉投 Paco後尺度會更大，她說：「自己睇西片大，唔太介意全裸。（三點露曬？）三點全露都 ok！」

去年接拍《賭城風雲》， Candy拍住周潤發、謝霆鋒等影帝合作，相比以前差天共地。《蘋果日報》圖片

Candy對拍戲情有獨鍾，問到性感底線，佢話：「三點全露都 OK！」

34D翻版郭可盈

29歲的袁嘉敏 Candy，中學到澳洲墨爾本大學修讀傳理系，之後返回香港繼續學士學位，畢業於香港大學，主修比較文學、副修純美術，英語和國語都係強項。參選時有翻版郭可盈稱號，加上 34D上圍，成為高登仔熱話。

09年，吳君如提名及推薦 Candy參選香港小姐，擁有 34D魔鬼身材和「翻版郭可盈」的 Candy，最終都係三甲不入，只得到「最上鏡小姐」，冠軍係李丞責現任老婆劉倩婷。

Candy在參選港姐前，曾在陳可辛的電影公司任職宣傳和發行，如今在影圈發展，總算有點幫助。對於早前陳可辛與內地女星田樸珺傳出緋聞， Candy說：「我諗冇啲咁嘅事，私底下有 SMS佢，陳可辛真係好鍾意君如㗎！」

鍾意就快D Share啦！

下一篇 》