徐濠縈潮曬恩愛合照 力證Eason揀A餐
由前日開始，相信大家個fb，都一定係俾A餐同B餐狂洗牌，另加呢句歌詞:「閉起雙眼你最掛念誰，眼睛張開身邊竟是徐……」係囉，就係徐濠縈個徐。「閉起雙眼你最掛念誰」都可以獨立出po，附圖加上安琪公主張相。冇錯，依家謝安琪已經改咗名(高登巴打改嗰個名呢度唔方便出)，唔再係謝安琪BB咁簡單，而係安琪公主，同「BB豬」。多得葉朗程於本報「情陷夜中環」撰寫「BB豬」一文。葉朗程於文中寫道:「說白一點，如果A餐是5億身家加個徐濠縈，B餐是50萬身家(or less)加個謝安琪，我揀B餐。」
好耐好耐好耐之前，陳奕迅曾與仲未係「BB豬」嘅謝安琪傳緋聞，雙方已經多次澄清:並無其事。但似乎大家對呢個「組合」，有一種情意結，亦可能因為咁，而出現咗「A餐」定「B餐」呢個兩難選擇。
網民點揀，於此不贅。但係徐濠縈話之你，繼續貼po同阿臣曬恩愛。如前日佢就係網上貼出兩公婆嘅情侶裝自拍照，仲係阿臣揸機。嚴格而言唔係曬恩愛，而係賣廣告，幫Chanel呢件限量版sweatshirt賣廣告。網民留言話so sweet，亦有人話:「吹哥徐哥一直幸福下去！」
留言唔多，普及程度遠不及微博，但阿徐選擇將呢張相貼喺呢度而唔貼喺微博，低調地話俾大家聽，阿臣唔理你咩A餐B餐，佢只係要阿徐同康堤呢頭家。
|
鍾意就快D Share啦！
|
|
|