紙袋護花
其間恭碩良又用身體又用紙袋遮擋記者鏡頭，憶蓮亦被男友突如其來的舉動嚇親，不時深情望實對方。
娛樂喧
懶理環球反對 憶蓮新碟硬捧恭碩良
相隔 9年，林憶蓮本月 17日終於再推出廣東碟《 Re-Workz》，重新翻唱自己的經典金曲。
不過本刊收到消息，原來這隻大碟曾有難產危機。事緣愛情大過天的憶蓮，為了令男友恭碩良開設的音樂製作公司做出成績，懶理所屬環球唱片公司反對，堅持將新碟製作完全交由男友主理，仲玩埋合唱。雖然憶蓮和恭碩良以情侶檔上陣，但始終珠玉在前，網友讚少彈多。
有指憶蓮擺明硬捧男友上位，難怪恭碩良聽罷激動說：「我都想佢捧我！」
現年 47歲的林憶蓮（ Sandy），感情路上經歷多次跌宕。 2010年邂逅音樂人兼鼓手恭碩良（ Jun），兩人迅速熱戀，一直拍拖至今。雖然這對姊弟戀人年紀相差 11年，但女方依然無懼外界的冷言冷語，無論出騷定出碟都重用男友。
明益男友
憶蓮與環球唱片公司的合約將於今年 3月到期，但至去年 10月為止，她仍欠環球一張大碟。要短短五個月製作好新碟，憶蓮馬上將唱片的製作交予男友的公司 Mofo Music一手打造。「 Sandy知道阿 Jun好愛音樂，希望佢事業可以更上一層樓，所以諗都唔諗就決定交俾 Jun間公司製作。因為冇乜時間， Sandy同 Jun決定舊曲新唱，佢哋仲上咗去張敬軒廣州錄音室開工。」知情人士透露。
對於憶蓮今次決定，環球其實十分無奈。有唱片公司內部員工說：「環球有就呢個問題同 Sandy傾，希望 Sandy除咗用阿 Jun外，再搵其他監製，睇下有冇新火花。但 Sandy一意孤行，加上合約寫到明 Sandy製作上可以自己話事，環球無奈接受。」
預售理想
據知環球與憶蓮多次商討不果，惟有放手一搏。但一如唱片公司所料，當推出試聽版後，網民對重新編製的金曲有不同意見，其中不少更是針對編曲、樂器以及風格轉變，矛頭直指恭碩良放了太多個人元素落憶蓮的金曲上。不過憶蓮始終擁有一大批忠實粉絲，加上她多年未有新廣東碟，即使網上有不少負評，也對銷量毫無影響。本刊曾到各大唱片舖進行查詢，職員均表示預售反應熱烈。
合唱情歌
近日憶蓮和恭碩良四出宣傳，上周六（ 11日），二人就孖實出席新碟試聽會，雖然二人拍拖已不是秘密，但憶蓮發現有記者拍照，依然十分抗拒。之後，恭碩良出席街頭音樂騷，對於網友的負評，恭表現得十分大方：「我諗鍾意 Sandy嘅人，或者鍾意音樂嘅朋友，都唔會介意囉。」其後他更向記者極力推介自己有份合唱的歌曲〈下雨天〉，「成隻碟係唱一首歌咁大把，我擺咗好多心機，瞇埋眼攞曬蠟燭，燒埋香精至錄音……嘩！」但一聽到有人指憶蓮用新碟捧他，便突然激動：「我都想佢捧我呀，咁易咩。（幾時組織家庭？）唔好意思，到我出場喇！」音樂好主觀，銷量也不一定與質量掛鈎，但觀乎恭碩良的回應，這張大碟肯定是兩人的愛情結晶品。
專捧情人上位
入行 28年的憶蓮，戀愛對象全都是有才華的工作夥伴。對感情非常投入的她，經常借助自己的地位及人脈，幫助男友發展自身的事業，絕對是二百分好女友。
|
鍾意就快D Share啦！
|
|
|