陳豪幫Aimee穀奶試味面都紅
新手媽媽陳茵媺（Aimee）與諸葛紫岐又再黐埋，昨日不約而同出席產後首次接騷吸金！穀奶現身的Aimee，騷價更飆升至逾50萬，難怪心情靚爆暢談餵人奶、湊仔點滴！稱太太為「Queen」的陳豪被問到有否試奶，即「面都紅曬」笑說：「唔話畀你知！」
陳豪被問有否為人奶試味，即刻面紅「唔話你聽」！
Aimee產後火速收身，回復尖面兼手臂變幼，肚腩亦Say Goodbye！
產後脹爆
Aimee月前產後離開醫院，身形仍脹蔔蔔。
由工作人員扶落台的Aimee，側身盡顯穀奶效果。
Aimee獲贈名錶，笑言等兒子長大後送給他。
去年12月4日榮升媽媽的陳茵媺（Aimee），坐月湊仔個多月後昨午復出，擔任鐘錶品牌Longines旗艦店開幕嘉賓。Aimee騷價憑子貴，酬勞飆升逾50萬元，比平日高出3倍。據知，早前有個別品牌想邀請陳氏夫妻檔，但Aimee最終以今次活動復出，成功率先搶頭啖湯！雖然只是產後個多月，但見她已回復面尖尖，身形亦如以往Fit爆，穿上黑白長裙雖未見低胸，但從側面看亦盡顯穀奶的澎湃效果！
喊聲高八度
全程被讚的Aimee心情靚爆，笑笑口透露正在餵哺人奶：「其實冇咩點去收身，因為餵緊全人奶，最緊要將最好嘅營養畀BB！」問到有否飲魚湯穀奶？她冧爆讚老公陳豪（阿Mo）日日貼心煲湯：「飲埋紅棗、冬蟲草、花膠湯，日日都有煲畀我。」她還透露因未能全天候湊實BB，但雪定足夠人奶存貨，讓兒子可準時每隔2個半小時有奶飲，亦有意舉行百日宴。
台上祝酒時，Aimee只高舉酒杯拍照及與同場嘉賓碰杯，未有淺嘗，滴酒不沾，皆因全為兒子：「一啖都唔得！畀咗BB搞到佢Wing Wing哋點算？」她坦言作為新手媽媽，湊BB前做足資料搜集，又大讚阿Mo這位廿四孝爸爸：「佢好叻，係一個好爸爸，半夜餵奶都會陪我一齊起身，好珍惜大家一齊經歷嘅呢段日子。」談到兒子的性格，有子萬事足的Aimee讚乖巧之餘，更踢爆喊時似足歌劇歌手：「佢一喊就最高音，唔使經過低音！佢個樣每日都有變化，我哋兩個都似！」
兩人原本為兒子改英文名為Aiden，但Aimee昨日表示英文名已更新為「Aiden Joshua」，透露與宗教有關，但中文名仍心大心細未諗定：「有幾個Idea，我覺得中文名係父母畀BB嘅禮物，所以要花啲時間去諗。」她並再次澄清上月入院只是發燒，而非所指的下體出血。
好價續無綫
另一邊廂，阿Mo昨晚Chok爆出席手機發布會，透露與Aimee是「接更」湊BB，但有工作需要亦會夾期齊齊出席活動。提到老婆讚識煲湯，阿Mo亦讚番Aimee：「有啲嘢盡量做番，佢都係好媽媽，依家見識到。」問到湊BB時有否率先試人奶，他即「面都紅曬」地說：「唔話畀你知！但餵奶嗰陣會滴手背試溫，要細心唔可以有差錯。」此外，阿Mo透露已續約無綫，雖未透露年期，但指新人工是「開心滿意價」，並澄清早前並非「拜觀音」，只是還太歲。
陳豪被問有否為人奶試味，即刻面紅「唔話你聽」！
Aimee產後火速收身，回復尖面兼手臂變幼，肚腩亦Say Goodbye！
產後脹爆
Aimee月前產後離開醫院，身形仍脹蔔蔔。
由工作人員扶落台的Aimee，側身盡顯穀奶效果。
Aimee獲贈名錶，笑言等兒子長大後送給他。
|
鍾意就快D Share啦！
|
|
|