網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年1月15日 星期三

[FACE 347] 雜食王 李思捷攬蚊蚊溝朱晨麗 春卷監場:佢個個都撩! 春卷,李思捷,朱晨麗,王寶寶,MF,




每逢有朱晨麗場口,李思捷就相當醒神,又拿住個結他扮唱情歌,成日搞到朱晨麗甜笑。

真面目

雜食王 李思捷攬蚊蚊溝朱晨麗 春卷監場:佢個個都撩!

一向花弗嘅李思捷自上年同春卷(王寶寶)分手後,春卷仍然對佢餘情未了,經常黐住李思捷。可惜李思捷本性難移,最近在新劇《牛頭愛搭馬嘴》中繼續雜食,先被指喪撩人妻萬綺雯,據知連第二女主角朱晨麗亦唔放過,經常在人前 chok爆扮型,更出動利誘話可以帶挈朱晨麗搵真銀。

見思捷當自己冇到,春卷惟有採取人釘人戰術,早前更到外景現場監控,希望箍番實。對於思捷花心,她說:「佢個個都撩啦!唔意外喎!」化曬!

去年 8月春卷(王寶寶)喺活動上宣布單身,以為 23歲女終於醒覺結束同李思捷 4年感情。原來女方仲未放低,經常黐住前男友,上年 11月就拍得二人拍拖買家品,春卷仲話對方係「 part of my life」,對李思捷咬住唔放。

李思捷主攻朱晨麗,但對人妻萬綺雯亦嗒糖,見萬綺雯笑到彎曬腰,就知玩嘢王又發功。

知思捷成日撩女,前週二春卷(紅圈)失驚無神現身探班,她說:「我想搭順風車啫,知佢喺附近!」呢個理由好牽強喎!

萬綺雯、李思捷被拍得攬頭攬頸,不過萬綺雯就話:「笑料一則!」陳十三對老婆好有信心。網上圖片

上年 8月春卷喺活動上話自己單身,但 11月就被拍得同李思捷喺宜家傢俬行街,之後仲同車離去。《蘋果日報》圖片

「 I am fxxking single!」

《牛》劇由李思捷孭飛,劇中不時同萬綺雯、朱晨麗,及 12年捲入「錄音室強姦事件」嘅前 UStar校花陳婉婷有對手戲。李思捷 3個都撩,未埋位時自 hign到跳起,又博到三女注意!

女友回頭,不過 39歲李思捷依然周圍溝女。喺新劇《牛頭愛搭馬嘴》中,有傳他𥄫中 43歲人妻萬綺雯,出入攬頭攬頸勁親密,但原來李思捷目標唔只一個,據知他對朱晨麗相當嗒糖,除咗不時教人做戲外,亦識玩利誘。知情者說:「佢同人講話自己出面好多 annual dinner做,又話嚟緊《辣㷫王》會預埋朱晨麗,不過人哋唔多騷佢囉!」

男方喺新劇四圍撩女,初時春卷都只係當睇唔到,但前週四( 2日)忽然現身外景突擊男友開工,仲同李思捷同車離去。事後春卷表示只不過搭「順風車」,她說:「我嗰日做完嘢想搭順風車啫,知佢喺附近咪上佢車囉!(佢成日撩朱晨麗喎?)佢都撩?不過佢個個都撩㗎啦!我哋又唔係一齊番!我哋係好朋友關係。」至於李思捷,記者問他係咪成日撩朱晨麗兼同春卷復合,佢就玩嘢王上身 chok住答:「送你三個字, I am fxxking single!」型到呢!

年中開《辣㷫王》

「公司好 buy我!」

李思捷喺《牛》劇孭飛做男一,問到佢感情事就只表示單身,但講到佢快將開拍嘅《辣㷫王》就雞啄唔斷。他說:「上次《玩嘢王》好成功,如果有人嬲,公司就唔會叫我開第二輯啦!我已經同公司講我嘅新 idea,佢哋好 buy我嗰套。一定好笑,好玩過《玩嘢王》!(好多花旦唔敢上你節目?)有邊個驚呀?我冇聽過喎!我頭痛緊請邊個咋!」

一定好玩過《玩嘢王》!(真實對白)

上年節目巡禮李思捷介紹《辣㷫王》時,已經攞楊怡雲吞麵事件,同呂慧儀小三疑雲等寸盡一班無綫星,到節目出街時肯定仲激。

上年《玩嘢王》最成功就係鍾嘉欣嗰集,令嘉欣被網友激讚做民間視後。

春卷 po激相

網上圖片

春卷離開無綫後,自己接 job,但多數係一啲商場騷,平時做嚇硬照 model,上年影過水著雜誌《 Bubble》封面,最近在 Instagram又放咗輯穀胸兼疑似不文圖,好豪放。

春卷表示暫時未想簽任何經理人,享受自由度,但接 job量唔多。



鍾意就快D Share啦!