網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年5月15日 星期四

[壹週刊 1262] 一肚火 《竊聽風雲 3》喪 cut戲 吳孟達嬲爆冇影 吳孟達,M1,




友情價客串換來一肚氣,想再睇吳孟達在港產片的演出,相信有一定難度。

探熱針

一肚火 《竊聽風雲 3》喪 cut戲 吳孟達嬲爆冇影

十三年無拍港產片的吳孟達,早前一口氣接拍了彭浩翔的《香港仔》和麥兆輝、莊文強執導的《竊聽風雲 3》。兩部電影都是以義氣價埋位。上月初,吳孟達心臟出事入 ICU,醫生講明要停工養病,他亦照足吩咐,將《竊 3》的所有宣傳,推得一乾二淨。「都無乜戲啦,費事咁嘥氣!」

據了解,《竊聽 3》劇本一改再改,吳孟達的戲份刪到如過鏡路人,六十二歲達哥,㷫爆!

講心唔講金

○一年拍罷《少林足球》後,吳孟達開始轉移工作陣地,專心搵人仔。相隔十三年才回流港片,拍完《竊聽風雲 3》再拍《香港仔》,支持本地製作,講心唔講金。

「咁耐冇拍香港戲,佢哋係咁意俾封利是我囉……我咪當留喺香港休息嚇,多啲見嚇屋企人同朋友囉!」吳孟達說。

據了解,《竊聽風雲 3》導演麥兆輝最初拍心口同吳孟達講有十日戲,保證他過足戲癮,但電影開鏡後,劇本卻一改再改,事前講好的十日戲,最終兩日半搞掂。達哥全程無嘈過半句,但私底下卻與相熟幕後埋怨麥兆輝講一套做一套。

「收封利是仔,同你捱更抵夜,你估貪得意!到頭來戲份仲少過老臨,唔嬲就假。達哥都算係咁,仲肯俾期出嚟配音,換轉其他人,一早無影無蹤!」一名幕後人員透露。

在《竊 3》的戲份被大幅刪減,吳孟達在電影海報中亦被安排靠邊站(黃圈)。

與古天樂一同出席《竊 3》發布會的麥兆輝(左一),當日親自搵吳孟達參與演出,但最終把達哥的戲份一刪再刪。

相比之下吳孟達在《香港仔》過足戲癮,同吳家麗的埋身慾搏場面成為電影的亮點之一。

擺明車馬

拍到一肚火,撞正上月初心臟出事搞到要入 ICU,死過翻生,加上醫生強烈要求停工半年休養,達哥大條道理,推掉《竊聽 3》所有宣傳。

俾人賣豬仔,留港養病的達哥回應說:「順利拍完吖!後期配音,配得唔好都有幫佢哋再做過!(你啲戲份係咪俾人 cut曬?)唔知呀,總之無乜戲咁,係囉!係囉!我以為有戲。點知都無乜戲啦,費事咁嘥氣!」

出院後暴瘦廿磅的吳孟達,隨即飛回石家莊為國內電視劇《布袋和尚新傳》補戲,之後又撲去幫遼寧衞視的《中國喜劇力量》做評判,亦有出席《香港仔》內地宣傳活動,但《竊聽 3》的宣傳,就話要聽醫生吩咐休息,推清光!

六十二歲吳孟達,擺明唔妥。

12年吳孟達應曾志偉的邀請,為 TVB頒獎禮頒發《我最喜愛的電視男角色》給馬國明。

01年第三任太太帶同囡囡吳楚瑜到上海,探望在當地為《少林足球》開工的吳孟達。

出院不久,暴瘦廿多磅的吳孟達隨即飛往內地為《中國喜劇力量》擔任評判。

主力搵人仔的吳孟達同鍾漢良拍完電視劇《十月圍城》,緊接再同歐陽震華合拍《布袋和尚新傳》。

去年底吳孟達專程返港與鄧英敏、無綫監製潘嘉德,一同出席無綫第三、四期訓練班同學聯歡聚會。



鍾意就快D Share啦!