79歲楚原被指患上腦退化症 南紅放棄興趣 專心照顧老公
2014-05-07 13:41:00
楚原近年都少咗出現公開場合。(資料圖片)
今年79歲，活躍於五十年代電影圈嘅楚原，近年少咗喺公開場合露面。今日有雜誌報道指，楚原叔已經患上腦退化症。
去年楚原叔太太南紅，就曾表示楚原叔嘅身體狀況：「佢老仲做得啲乜？個腦都唔得啦。」報道就話，其實當時楚原叔已經被證實患上腦退化症，不過就係初期，要定時食藥同做多啲刺激腦部嘅運動，希望可以控制病情。
報道中引述知情人士透露，大約喺兩年前，其家人發現楚原叔反應開始慢，於是同佢去做body check，證實佢係腦退化，情況唔算嚴重，可以食藥控制。而楚原叔初時接受唔到自己有呢個病，好彩佢同媚姨（南紅原名蘇淑媚）都係樂觀，慢慢就好啲。據報道所講，0依家楚原在家練書法，有時有去學太極。
南紅0依家全心全意照顧楚原，謝絕所有應酬及放棄好多興趣班，認真廿四孝老婆﹗
楚原叔曾演出多齣電視及電影，曾與楊千嬅合作過。(資料圖片)
(資料圖片)
(資料圖片)
南紅去年喺一個公開場合，都有講過楚原叔嘅身體狀況。(資料圖片)
南紅同楚原叔一向都係圈中模範夫妻。(資料圖片)
|
鍾意就快D Share啦！
|
|
|