[FACE 363] 靠自己 被夫拋棄 14年 41歲葉蘊儀：唔嬲佢 葉蘊儀,MF,

記者向葉蘊儀提起有關前夫嘅問題，葉蘊儀從容回答。話曬離婚已經 14年，放低都應該嘅。

真面目

靠自己　被夫拋棄 14年　 41歲葉蘊儀：唔嬲佢

每晚睇住班「美魔女」在螢光幕前扮到靚靚談情說愛，其實個個飽歷滄桑大家又知幾多？

劇中飾演肥菜的葉蘊儀，咪睇佢家陣發曬福，其實 80、 90年代佢憑電影《阿修羅》紅到當選日韓兩國受歡迎外國女星 No.1。到 22歲葉蘊儀放低一切同玩具商人陳柏浩結婚，直到懷住第二胎時前夫出軌，結果細女出世後一年離婚。 14年眨眼過，大仔都 18歲，週日（ 4日）葉蘊儀笑住對本刊說：「唔嬲唔嬲……我𠵱家生活得好好。」堅強靠自己，才是女人典範。

其他影片： >>肥葉講前夫

喺尖沙咀 K11開設藝術學校 Art Around，教整黏土。雖然學校唔大，但作品件件都係葉蘊儀心血。

曾經紅到去日本， 13歲被星探發掘拍維他奶廣告，邊讀書邊拍戲的葉蘊儀，當年細細粒又充滿少女味，好快成為影圈搶手貨。 89年中學畢業後更被公司安排到日本發展出碟， 90年在日本、韓國同獲「最受歡迎外國女明星第一名」，台灣亦多 fans，成名要趁早。

天然美女

13歲就出道，是 90年代嘅可愛教主，擁有「㗎妹」氣質，所以葉蘊儀亦喺日本出過純美寫真集。當年仲未有「美圖秀秀」，亦冇 Photoshop，一切皆天然。

紅到日本

89年葉蘊儀接拍日本、香港合資嘅電影《孔雀王子》，當年拍住上代武打巨星元彪，威到去日本開記招。網上圖片

葉蘊儀喺 91年同 95年分別推出 2張韓文專輯，𠵱家香港嘅歌手都唔夠佢威水。網上圖片

22歲結婚 27歲離婚

95年閃電與玩具富商陳柏浩結婚，可惜婚姻只維持咗 5年。葉蘊儀懷住細女時，陳柏浩就傳出有小三， 00年離婚。之後陳柏浩更向法院聲稱破產拒付贍養費。《忽然 1周》圖片

於新劇中，葉蘊儀受老公古明華欺淩背叛，跟現實中她的經歷相似。 95年， 22歲葉蘊儀與玩具富商、前夫陳柏浩閃電結婚退出娛圈，其間為前夫誕下一子；可惜到 99年葉蘊儀懷住細女時，前夫被爆有外遇，最終二人待細女出生後，於 00年中宣告離婚，撫養權歸女方。

被丈夫背叛，又帶住一對仔女，單親媽媽葉蘊儀並冇放棄自己，雖然多年來只租住天後金龍大廈 589呎（實用面積）單位，但積極生活。葉蘊儀不斷進修，近年更取得澳洲 RMIT（墨爾本皇家理工大學）純藝術學士和碩士學位， 11年在尖沙咀開設黏土藝術學校。週日（ 4日）葉蘊儀出席完新劇活動後便返學校工作。

「我鍾意年紀比較大」

葉蘊儀為陳柏浩生咗一仔一女，據知仔女們仍然讀緊書，而葉蘊儀亦甚少向外人透露仔女近況。《忽然 1周》圖片

本刊問她仲嬲唔嬲前夫，她說：「唔嬲唔嬲。冇（嬲）呀，完全冇！（𠵱家有冇拍拖？）冇拍。冇諗呢啲問題喎，𠵱家專心做 art嘅嘢！（聽講你進修時好多人追，介唔介意姊弟戀？）介意！我鍾意年紀比較大，（年紀太輕）怕難溝通。」

仔大女大有事業，冇男人喺身邊，一樣活得精彩嘅。

鍾意就快D Share啦！

下一篇 》