【韓流】《大長今》樸恩惠大力士上身 「左擁右抱」極溫馨
2014-05-07 08:15:00
大家仲記唔記得喺《大長今》做「連生」嗰個韓國女星樸恩惠呀？樸恩惠自從嫁人之後，就一直過住幸福嘅少奶奶生活，日日都陪佢嗰對今年3歲嘅心肝寶貝孖仔，好鬼溫馨o架。
早幾日佢就喺twitter放咗張同雙胞胎囝囝嘅合照，原來作為好媽媽嘅佢，喺韓國兒童節嗰日，就帶住兩個囝囝出街，共享天倫之樂，身型偏瘦嘅樸恩惠，竟然好似大力士上身，一手抱起孖仔，仲喺旅遊巴前面笑住影相，認真厲害。
有網民仲話佢keep得好好，一啲都唔似做咗人媽媽添！
