【跣到攤攤腰】黃海波嫖妓被捕 爆料者竟是私人司機？
2014-06-10 18:55:00
（資料圖片）
以「國民老公」好男人形象著稱嘅內地一線男演員黃海波，早前被爆出喺北京一間酒店嫖妓，而且女主角仲要被指係雙性人，事件惹起軒然大波。
而黃海波已透過微博表示，佢本人願「不覆議，不訴訟」，仲話錯已至此，會決心改過雲雲。
事件發展到今日，又有驚人嘅發展，警方當時所接到嘅「群眾」舉報，原來爆料者竟然就係黃海波個私人司機，據悉該名「小姐」都係由呢個司機叫返嚟。
而呢名跣黃海波嘅司機，其動機眾說紛紜，有傳係黃海波平時對司機態度惡劣，司機早就想辭工，只係臨走跣佢一獲。而中國媒體有向黃海波公司查證，卻未有回應。
不過亦有圈中人透露，黃海波人緣向來都幾好，被拉當日，佢身邊嘅助理、公司職員等等，都求大家幫海波講好說話，而有接觸過佢嘅記者，亦話黃海波份人好nice。
黃海波被捕照
黃海波願「不覆議，不訴訟」，決心改過。（微博圖片）
|
鍾意就快D Share啦！
|
|
|
