[FACE 368] 寫真序幕 樹林全裸 藍莓豁出去：冇底褲 藍莓,BKD_S,劉俐,MF,

身高 174cm， 34C、 24、 35的藍莓擁有噴血身材。今次佢專登去到泰國布吉影寫真，仲話當地好好玩，一啲都唔驚。

真面目

寫真序幕　樹林全裸　藍莓豁出去：冇底褲

自 09年娜姐周秀娜推出玩滴雪糕又刷牙的話題寫真《 Kissy Chrissie》大賣後，從此每年暑假舉行的書展，各模都會爭相推出寫真集吸金。

經過 5年轉變，模寫真熱潮已冷卻，好彩今年仍有 34C勁索身材的藍莓（劉俐）及陳蕊蕊等出寫真應市。為谷銷量，藍莓話今次會豁出去，「我冇 set底線，會喺一個好多樹嘅地方 nude（赤裸）住影相。趁自己 24歲，想留住呢一刻。」用樹葉遮住敏感位置？啱啱過咗端午咋喎！

出道 6年，藍莓第一次出個人寫真，問佢之後仲會唔會出，「冇諗呢個問題，今年想出咪出咗先。」

24歲的劉俐（ Kibby） 08年參與《耳分高下》，飾演 Sing之天使其中的「藍莓」後簽約大台，近 6年大多在劇集客串演出。

nude往影相

09年成班美味天使齊齊出寫真，當時藍莓同蕊蕊就一齊出一本，今年就正面交鋒，唔知邊本大膽啲呢？

《蘋果日報》圖片

週一（ 9日）藍莓接受本刊訪問時，她說今次將會全裸上陣，「之前 Popcorn Production同我合作過，佢今年邀請我出本寫真。咁我諗， 24歲喇，都好想留住呢一刻，所以就應承咗。書名暫定係《 Heartbeat recording》（紀錄心跳），希望畀到最真實嘅一面觀眾睇。例如有一個 topic係我啱啱起身嗰一嚇，（素顏？）都有少少淡妝嘅。」

寫真點少得性感？雖然藍莓出道以來都影過不少三點式泳衣相，不過講裸露，當然留給這本寫真集，「其實我冇 set底線畀自己，總之影出嚟靚，而且我又信任個攝影師，所以拍攝過程都好開心。最激嘅，應該係我會喺一個好多樹嘅地方 nude住影相，（連底褲都無？）無……暫時唔講咁多住，想留啲幻想空間畀觀眾，等佢哋諗嚇先。」

7． 16寫真戰

由於唔係個個𡃁模都及得上娜姐當年本《 Kissy Chrissie》銷量（超過 2萬本），有些甚至要蝕本，所以近年明星或𡃁模推出寫真已買少見少，今年好彩都仲有女星加入戰團。

陳蕊蕊

金剛女友陳蕊蕊之前同藍莓一齊出過《美味天使》集體寫真，今年二人各自發力推出個人寫真集。擁 34E誇張身材的蕊蕊，仲話男友金剛好支持佢，好放心佢影寫真咁話。

仙樂都

中泰混血兒仙樂都今年返家鄉泰國布吉取景，佢預計會係最後一年出寫真，所以 D Cup身材唔會收埋，影寫真前仲不停接受美容同豐胸療程，話曬最後一炮，執靚啲好！

黃榕

已經出過 4本寫真的黃榕（ Gloria），今年瞓身曬 C奶，又講明唔會跟 AD2班 cheap模鬥低俗，前排就完成咗全裸彩繪部分。三點式愈推愈低，幾乎乳貼都走埋出嚟，三十幾歲仍然搏命。

唔驚飛泰國

身材高䠷的藍莓，話呢輯泳衣相係寫真入面最基本，表示更激的仍未曝光，吊宅男癮買書喎！

藍莓的首本寫真集，特地去到泰國布吉進行拍攝，雖然當時旅遊警示仍然生效，但無阻攝影隊出發，藍莓更說一定要去。「冇驚過。我去影相咋嘛，我哋仲有四圍去影唔同嘅景，都唔算係好緊張。不過今次拍攝得好順利，好好玩！」

早前為大台新劇《再戰明天》開工，藍莓飾演毒癮少女，同何超儀有唔少對手戲，藍莓話超儀教咗佢好多嘢。

主角未有份，藍莓大多做陪襯，好似間中都會喺《愛．回家》見到佢。

Job唔見接得太多，但 keep主身光頸靚，藍莓曾被指陪老細酒店開房。

AD2　玩制服

10年曾替周秀娜影《 Les Vacances d'Amour》寫真，現屬 Popcorn Production的攝影師林子賢，今年除了負責藍莓的寫真外，另外會推出一本以制服誘惑做主題的寫真書，當中的𡃁模都曾經出現在《 Bubble寫真月刊》內，其中較熟悉的有 AD2。

近日 AD2又再換新成員，除原有的 Amy，更會加入 18歲新成員 Angie，二人仲會瞓身為寫真集宣傳，到時肯定好多騎呢招出現！話時話，咁樣換成員，真係唔會記得你個樣囉！

AD2嘅成員好似次次都唔同，係啦，最近 Tracy要去進修，所以加入新成員，係只有 18歲的 Angie（右）。

新加入 AD2的 Angie會扮神奇女俠，不過係換衫中嘅神奇女俠。

AD2嘅鐵腳成員 Amy今次搏到盡，據知她連乳貼都冇貼就上場影，不過底褲呢 part就輸俾藍莓囉！

鍾意就快D Share啦！

下一篇 》