[FACE 368] 夾波波 《 RM》 Gary氹 DaDa拍 MV DaDa,BKD_S,陳靜,MF,

Gary話就話有機會搵 DaDa拍新歌 MV，但當一齊玩用頭頂波遊戲時，全程唔敢正面望住低胸 DaDa，唔係驚宋智孝呷醋呀？

FBI

夾波波　《 RM》 Gary氹 DaDa拍 MV

韓國皇牌綜藝節目《 Running Man》（ RM）喺香港人氣超勁，節目主持個個車輪轉來港掘金，上週終於輪到 Gary（薑熙建）。

其他影片：>>Gary頂 DaDa波波

週日（ 8日） Gary踩入將軍澳新都城中心同「 E神」 DaDa（陳靜）一齊為《巴西狂×足球熱》活動舉行揭幕儀式。雖然今次已經係 Gary第 3次訪港，但 fans對佢一樣超熱情，當日有超過 1千 fans圍爆商場。

見到咁多 fans捧自己場， Gary一出場已賣口乖用廣東話打招呼：「大家好，好多謝大家等我。」仲講埋：「我愛你！」跟住出場嘅 DaDa就用韓文同 Gary講：「香港歡迎你！」而本身係饒舌組合 Leessang成員嘅 Gary，亦好識做表示希望將來有機會邀請 DaDa拍 MV，即時令全場起哄，但 fans唔係嗌 DaDa，竟然用韓文大叫：「宋智孝！」，搞到 Gary尷尬打圓場：「今日唔係星期一呀！（ Gary同智孝被封《 RM》「週一情侶」）」至於全場高潮係 Gary同 DaDa用頭玩頂波遊戲，全場 fans再乘機用韓文大叫：「宋智孝！」睇嚟 DaDa點都搶唔到懵智喺 Gary粉絲心目中地位喎！

為活動進行揭幕儀式， Gary好豪咁一腳抽射，但 DaDa因為怕走光，細細力踢下個波就算。

當日， Gary大讚香港 fans乖，為答謝港迷， Gary仲同班女 fans抱抱。

人氣超勁嘅 Gary，當日吸引超過 1千粉絲圍爆商場，完場前亦唔放過機會，走去粉絲堆影千人大合照。

《 RM》中， Gary同宋智孝被組成 Love Line，更被封為「週一情侶」（因由第 8集開始，逢星期一的錄影二人全以情侶姿態出現），現實中二人當然唔係情侶。

上週六（ 7日）下午到港，有過百位粉絲接機，場面混亂，期間有位少女 fans被撞埋 Gary身邊， Gary即刻出手拉實對方，真係因禍得福！

鍾意就快D Share啦！

下一篇 》