2014年6月11日星期三

又係拖女睇戲？徐克搭實嫰版湯記 sweet爆！湯記,徐克,湯寶如,

【淩晨獨家爆】又係拖女睇戲？徐克搭實嫰版湯記 sweet爆！

2014-06-11 00:05:00

嘩！又嚟一單喇！(台灣蘋果日報圖片)

繼48歲導演彭順背妻拖26歲0靚模睇戲斷正後，年逾60歲嘅導演徐克亦拖女睇戲喎！

不過徐大導就已經好醒目，佢冇留喺香港、更加冇去圓方睇戲，但可能佢唔記得台灣都有《蘋果日報》啦，前晚佢同一名年約30歲嘅「嫩版湯寶如」，喺台灣京站威秀拍拖睇戲斷正，徐克同染咗一頭銀髮嘅女友，最初並肩而行，行行下就情不自禁手勾手，徐大導仲搭住女友香肩，「嫩版湯寶如」就用胸部撞徐克手臂「回敬」添！其間「嫩版湯寶如」成日望住徐克冧笑，仲伸手摸男方塊面，舉止旁若無人。

佢哋兩個著住全黑情侶裝，喺京站威秀戲院，佢哋先睇完電影《黑魔後：沉睡魔咒》，兩個人喺賣飛地方行下又停下咁，一臉難捨難離，似乎唔想就咁散band，結果最後「嫩版湯寶如」又走去買多張午夜場戲票睇埋《哥斯拉》，一晚睇足兩場戲。嘩，徐克果然係導演，好熱愛電影呀嚇！

據知，呢位年約30歲嘅「嫩版湯寶如」名叫樂樂，同徐克喺11年拍《龍門飛甲》前喺網上相識，兩人愈傾愈啱key，徐克就叫樂樂做埋佢私人助理，而之前同陳佳佳傳嘅緋聞，就只係流料。

其實，一直有傳徐大導同老婆施南生，已經離咗婚，但兩人對傳聞不置可否，同時亦經常有報道話，徐大導有和不少女伴外出添。