全城熱爆的娛樂八封新聞 & 時事趣聞 & 生活 + 趣聞
操得相當 fit嘅安志傑，抱住隻迷你約瑟爹利，愛心滿瀉，真係引死女。
呢個世界點解有咁多寵物被遺棄？好多時都係因為男、女朋友分手後，寵物嘅撫養權傾唔掂數囉！安志傑（ Andy）同謝婷婷拍拖時都有一齊養過約瑟爹利狗仔。佢哋分手已經 1年， FBI上週二（ 3日）就喺西環發現安志傑去寵物店接番扮完靚靚嘅愛犬。
當日 Andy著住全白恤衫 look出席完活動返回西環泓都屋企， 10分鐘唔夠佢就換咗套貼身黑衫落樓買咗兩 set酒，再過多 10分鐘，佢再落樓急急腳咁行去附近嘅寵物店，原來去接呢隻曾經同前度一齊養嘅寶貝狗，好明顯佢成功奪得愛犬撫養權，做個負責任狗爸。
14個月前，婷婷仲會放呢隻約瑟仔上 Instagram，但係分手後，狗狗撫養權歸前度，狗狗應該都好掛住呢位前女主人。
拎住兩 set酒嘅安志傑順便操肌，見佢拉到行對手臂，仲吸曬氣玩擴胸，無時無刻都做緊運動，其實有啲誇張。
安志傑同婷婷分手後就搬咗去西環獨居，見佢同看更打個招呼就入得門口，睇嚟都住咗一段時間。
