網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年7月9日 星期三

[FACE 372] 乜太與你 全城恥笑梁太「冷血」 袁彌明:佢碌大眼真係好核突! 乜太,袁彌明,唐青儀,MF,




梁太上週五傍晚見傳媒時忽然變惡婦,碌大眼兼做錯曬手勢被全城恥笑,繼董太全副「生化危機」裝備入牛頭角下邨之後,又一特首太太鉅獻。

YouTube畫面

真面目

乜太與你 全城恥笑梁太「冷血」 袁彌明:佢碌大眼真係好核突!

特首 CY老婆唐青儀上週五( 4日)出席活動後忽然「上身」,高調回應二女梁齊昕自殘事件,自稱「倒抽一口涼氣」和點名喪鬧曾撰文評論其家事的蔡子強「冷血、無知、涼薄、刻毒」,加上碌大眼同騎呢手勢,近 6分鐘回應短片瘋傳,兼惹來網民惡搞。

選過港姐兼做過電視演員的人民力量主席袁彌明都忍唔住狠批:「同一個乳臭未乾嘅女仔冇分別囉!」



其他影片:>>袁主席評 CY太






冷血、無知、涼薄、刻毒我不禁倒抽一口涼氣所謂「老師」

網友惡搞 CY未停過,更將當年《笑聲救地球》內的「乜太」廖偉雄 key落特首太太度,話係 perfect match喎,記者嘗試聯絡阿燦,可惜佢唔喺香港未有回覆。

中大政治與行政學系高級講師蔡子強日前發表文章「如果是你的子女」,批評特首以女兒的新聞作為政治公關 show。但被唐青儀喪鬧他「冷血、涼薄、刻毒」。

人力主席袁彌明批評唐青儀似鬧人多過想保護愛女,更睇唔過眼話:「佢係同一個乳臭未乾嘅女仔係冇分別囉!」

《蘋果日報》圖片

本來家事一件冇乜人想理, CY女自殘單嘢「風頭」亦被 51萬人遊行蓋過,但特首太太唐青儀上週五( 4日)卻突然高調重提,用咗 5分多鐘時間去回應,其中茅頭指向一篇題為〈如果是你的子女(政客版)〉的報章評論,撰文的時事評論員兼中大政治與行政學系高級講師蔡子強,成為梁太狠批的對象。期間梁太不斷瞪眼、戚眉,騎呢手勢的片段更加為網友提供大量潛力圖,網友迅速 cap圖惡搞,全城恥笑梁太忘我演出。

「身體語言錯曬!」

連身在日本,在大台做過演員的人民力量主席袁彌明都抹一把汗,嘆特首太 over咗!袁彌明話:「作為一個地區嘅首長太太嚟講,佢表現真係好差!完全唔大方啦,身體語言錯曬!睇得出佢開呢個記者會係忍唔住鬧人多過保護個女。」

她又指唐青儀唔識為乖女齊昕著想:「咁高調講呢件事,係令到佢個女更加困擾啦,所以明白到佢個女點解咁憎佢;同埋佢嗰種鬧人嘅態度,係同一個乳臭未乾嘅女仔係冇分別囉!相比之下,唐英年太太確實係贏佢十條街囉!」

袁彌明又批評唐青儀的眼神動作好難頂:「碌大眼真係好核突、好樣衰!同埋佢係想做一個 quotation手勢,應該係兩隻手指( air quotes手勢),我唔明點解一隻手指其實佢個女𠵱家咁樣係應該博同情嘛,佢反而鬧番人,係有反效果囉!身為特首老婆去批評一個時事評論員,反而畀咗頂高帽蔡子強戴囉!」 689你不如理掂家事先嚟搞香港人

梁齊昕𠝹手事件曝光後,特首兩公婆飛到英國探女,並發布一家三口在海德公園合照以示融洽,但齊昕事後再爆合照只係由梁振英指使的「公關伎倆」。

網上圖片

特首女梁齊昕上月在網上貼出疑似割手照片,雖然照片好快就被刪走,但已引起公眾注意。

網上圖片

正忙於宣傳電影《 N+N》,前年拿傑青獎時做反國教手勢的舞台劇演員賴恩慈,指肢體動作和神態可看出性格:「梁太用咗舞台劇嘅表達方式係 over咗,除非佢平時都係咁㗎啦,咁佢真係好 natural喇!」另公民黨副主席陳淑莊(小圖)因不願評論特首家事,拒絕回應。

愛燈罩裙的特首夫人

《蘋果日報》圖片

57歲 CY老婆唐青儀上週怒吼時的衣著亦惡評如潮,但其實 CY太衣著一向冇乜品味,連時裝達人 Ricky Kwok亦說:「好樣衰。」

Ricky Kwok

Ricky:「裏面件蕃茄紅好樣衰,同件蝦肉色外套又唔夾;件高領加埋佢把頭髮同濃妝睇落好 heavy,如裏面嗰件轉米色或白色會舒服啲。」

Ricky:「左邊紅色呢套襯呢條褲令到比例唔啱,成個脹曬!應該著貼身褲或西褲。白色呢套襯黑裙好似小露寶,發覺佢好鍾意呢類燈罩裙,都係貼身啲啱佢啲!」

惡搞 remix版勁好笑

網上圖片

CY太條片一出即被網民惡搞,搞過「厚多士」惡搞片的 Jacky Fung再出手,剪輯成《一口"梁"氣》 remix版,變成梁太自嘲「涼薄、刻毒」,轉眼就十幾萬點擊。

網上圖片

網友惡搞梁太,唐青儀一時係神奇女俠,一時係刻毒後,創作無極限。

網上圖片

梁太所講的「倒抽一口涼氣」已成為名句, Jacky接受本刊訪問時解釋:「唔係想人身攻擊佢,只係大眾都覺得好笑嘛!有咁嘅父母,我都戥齊昕慘!睇得出佢會有幾唔開心囉!」



鍾意就快D Share啦!