網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年7月9日 星期三

[FACE 372] 愛貓病重 爆喊萬二蚊:知道她要走了 萬二蚊,萬綺雯,MF,




FBI

愛貓病重 爆喊萬二蚊:知道她要走了

43歲萬綺雯(蚊蚊),前年轉投大台後,憑住 42吋長腿、凍齡靚樣入曬屋,獲力捧劇接劇,最近《食為奴》播完後,上週啱啱又話拍完《老表,你好 Hea!》煞科戲,真係一直冇停過, FBI都戥佢辛苦。

咁啱,上週五( 4日)晚, FBI途徑天後清風街時竟撞到蚊蚊,當時佢一個人抽住個寵物袋入去獸醫診所。 FBI見佢一直頭耷耷、冇厘神氣咁,入咗去診所半粒鐘之後,蚊蚊就拎住個寵物袋行出嚟,神情比之前更加凝重,而安放好寵物袋喺司機位旁後,蚊蚊終於情緒崩潰減咗出嚟。

帶愛貓睇完獸醫,喊咗 1晚,翌日( 5日)蚊蚊 po出愛貓「精靈」嘅得意相上微博,仲讚精靈永遠最懂佢心意,睇得出精靈就係蚊蚊嘅命根。

安置好愛貓坐喺司機位旁,蚊蚊忍唔住爆喊,愛貓嘅病況似乎唔多樂觀。

喺車上安置好愛貓後,蚊蚊即刻𠌥低身睇嚇愛貓有冇唔妥,對愛貓無微不至。

雖然好傷心,但臨帶精靈去診所之前一日( 3日),蚊蚊仲同郭晉安去咗迪士尼樂園酒店,幫《老表,你好 Hea!》拍婚禮煞科戲。當時蚊蚊仍強顏歡笑,真係好專業。

網上圖片

週一( 7日), FBI致電蚊蚊了解,原來蚊蚊養咗 13年嘅貓女「精靈」(花名叫二十一)同死神搏鬥中,她用短訊回覆 FBI:「貓貓陪伴咗我好多年,知道她要走了所以好傷心好難過……其他事我唔想多講了,唔想朋友擔心……。」希望精靈大步檻過啦。



鍾意就快D Share啦!