呂慧儀坐月期間甚少外出，不過仔仔要打針，她梗要「出山」。一身師奶打扮的她包到冚，趕絕星味。
滾熱辣
慳家狂掃 BB贊助 呂慧儀抱仔公立打針
八月中產子的呂慧儀（長腳蟹），至今仍未公開露面，只曾在微博公開兒子 Anton滿月宴相片，兼大掃品牌贊助的滿月禮物。識得慳家的她，連 BB牀、臍帶血、 BB車統統免費，就連覆診都去公立醫院，果然夠經濟。
上周三（ 17日），在傭人陪同下，呂慧儀抱住仔仔坐的士，由天水圍往屯門醫院睇醫生。現場所見，呂慧儀手腳仍然纖瘦，但粗腰及豪華臀現形，明顯未修身。
不過，呂慧儀將於十月尾為自己孭飛的新劇宣傳。得番一個月，呂慧儀要回復昔日葫蘆身形，相信要加把勁至得。
呂慧儀自宣布懷孕以來，上圍上升兩個 cup，雖然一直都是肥肚唔肚人。但仔仔 Anton出世時都重八磅八，分量十足，連她也說元氣大傷，產後要休息足足兩星期先有力去幫愛兒拍照。
選美出身的呂慧儀，非常緊張自己的身形，產後因未修身，一直足不出戶。不過愛子如命的她，卻親力親為帶仔仔覆診打針。上周三（ 17日），她帶埋傭人齊齊到屯門醫院。呂慧儀當日素顏束上馬尾，頭戴帽面戴口罩，身穿鬆身衫褲包到冚。即使刻意遮掩身材，無奈仍難掩粗腰及龍躉。她推住 BB車直上屯門醫院二樓輪候，其間遇上仔仔扭計，她抱起兒子輕輕拍着他的背，盡顯母愛。
連陪月都慳
剛為人母的呂慧儀非常緊張，照顧仔仔都親力親為。在醫院輪候了足足個多小時，一直堅持自己抱 BB，唔放心俾傭人抱。
「佢哋兩公婆都係模特兒出身，明白好天搵埋落雨柴。依家有咗件化骨龍，就更加要慳喇！佢哋連陪月都冇請，更加唔介意睇公立醫院。佢哋想自己湊小朋友， Dickson（呂慧儀老公）都有同人講，湊仔好忙，有時連公司打俾佢都唔得閒聽。 Dickson都呻少咗做 gym，遲吓要操番弗。」知情者說。
雖然去醫院當日老公 Dickson未有陪伴，但上周一（ 15日）兩公婆為仔仔舉行滿月宴後， Dickson已經化身搬運工人，親手將 BB車、 BB牀等禮物搬上樓。由於當日下午天文台已預告會掛八號風球， Dickson為免餓親老婆，於是冒住風雨，獨自撲去超市買餸及掃日常用品，做個住家好男人。
修身十月復工
呂慧儀一向以「性感」見稱，出席活動時總愛騷長腿，加上將要拍劇，故現在她已開始節食做運動修身。
「 Connie（呂慧儀）呢排為咗修身，開始食減肥餐。佢都好心急，因為十月左右大台便舉行台慶活動，佢有份拍攝嘅《醋娘子》係節目巡禮劇集之一，得番一個月左右時間俾佢 keep！」
既要湊仔，又要修身，星媽真是唔易做！
修身唔易
女星產後難修身，身形走晒樣變師奶。
莫可欣
這位 93年港姐冠軍，當年 113磅，不過在 08年誕女後，身形脹爆至 160磅。
袁詠儀
靚靚 06年剖腹誕下張慕童後，雖然一度減肥成功，但 3年前甲狀腺出問題，此後一直腫脹。
周家蔚
這位 06年港姐亞軍兼最上鏡小姐，最弗只有 103磅。不過去年產子後，體重升至 150磅。
朱茵
「性感女神」朱茵自 2012年誕下女兒黃鶯後，身形大了兩個碼。
|
鍾意就快D Share啦！
|
|
|