[忽然1周 1000] 王菲有着落 嘉玲勁 happy 王菲,劉嘉玲,嘉玲,MW,

劉嘉玲話呢幾日電話俾人炸爆，都係問佢老友嘅消息。媽咪姐就俾佢耳環、戒指同手錶閃到暈呀。

媽咪姐

王菲有着落　嘉玲勁 happy

鋒菲世紀復合，而作為王菲老友嘅嘉玲，又點會唔知呢單嘢吖！雖然佢日日俾人追問，但係睇嘉玲姐個樣咁輕鬆，就知佢心中有數

其他影片：>>劉嘉玲大星風範

不過佢前幾日喺北京錄影節目嗰陣講：「最近冇時間同佢聯繫，我夜啲問問佢。如果係真，真心祝福佢哋。」

撇開老友蜜運，嘉玲姐難得做完舞台劇《杜老誌》，有時間休息，呢日就去咗中環置地，原來係時候要換季。入到 Valentino，行咗個圈幾吓手勢，已經揀到心水，班 sales姐姐仲好快手咁幫佢包好啲新裝。等緊嗰陣，嘉玲仲同 friend好 happy咁吹水㖭！

加場又加場，劉嘉玲咁辛苦做完舞台劇，喺時候買衫獎勵自己。買咁多，又可以轉季，個樣幾開心。

劉嘉玲話自己忙緊做舞台劇《杜老誌》，未睇新聞，冇留意老友王菲嘅戀情喎。你信唔信，媽咪姐就唔信嘞。

鍾意就快D Share啦！

下一篇 》