網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年9月26日 星期五

[忽然1周 1000] Ball場扮嘢王 MW,




葉梁美蘭以公仔麵袋做裙,主人家雷禮權見到即刻扮食,仲大叫︰「我最鍾意食嘅麵呀!」

媽咪姐

Ball場扮嘢王

上星期六( 20日),九巴後人雷禮權喺深灣遊艇會補搞生日 party,出名爛玩嘅佢,梗係唔會簡簡單單慶祝。今次就用鮮艷顏色做主題,當晚出席嘅名人個個扮到花哩花碌,撞到七彩。好唔好睇其次,最緊要有藉口俾班紳士名媛癲番晚。

葉梁美蘭 晒麵袋裙

全場最突出嘅葉梁美蘭,雖然搞錯 dress code,依然搶晒鏡。佢用咗 150個麵袋做裙,頭上插對筷子,再加個杯麵手袋。「的麵大概兩個半一包,計咗係差唔多啱呢個 budget。對筷子係我自己食,所以唔計錢嘅!」玩到咁大!

雷禮權 至 sharp橙衣人

今年 55歲生日嘅雷禮權,又再玩嘢,搞個鮮色主題 party,話就班老友咁話。「我本來諗住叫大家用 338蚊,執齊底衫同埋鞋,不過唔計化妝,着到好靚嚟。但係日日都有朋友打俾我,問我點着。咁我話晒 idea俾佢哋聽,我自己咪冇嘢着。所以轉咗玩顏色,等佢哋容易着啲。」佢叫晒啲朋友着到咁行,原來又係玩嘢。「其實係整蠱佢哋,等佢哋好似行 catwalk咁,個個逼住要上去先可以落番嚟,等我俾分揀着得最好同最差。」

雷禮權好貪靚,次次出動都扮到行,今次嘅色彩打扮對佢嚟講濕濕碎。

雷禮權一家四口扮到花哩花碌,外母利孝和夫人(中)就冇玩 dress code,繼續以高貴打扮見人。

雷禮權前年生日,搞咗個以「勁大娘」做主題嘅生日會。佢黐咗兩粒「發達毛」大癦,仲搵筲箕裝大肚腩,笑到肚攣。

雷兆光 扮 hip hop仔

雷兆光仲孭埋個橙色背囊仔。「個背囊真係有裝嘢㗎!有部 iPhone 6同相機。」

雷禮權堂弟雷兆光即日去連卡佛買新衫盛裝出動,成身 hip hop造型,頭髮仲噴到五顏六色,好 young喎!「一年一度大哥生日梗係着好啲,着得唔好要上台受罰行 catwalk,我都驚俾人罰。」



鍾意就快D Share啦!